2015年9月28日 星期一

雨傘周年 王宗堯:喚醒港人繼續發聲 王宗堯,



雨傘周年 王宗堯:喚醒港人繼續發聲



其他影片:>>






【傘運一周年】王宗堯:醒港人繼續發聲

【雨傘革命】去年今日,胡椒噴霧與催淚氣瀰漫金鐘令香港變天,演藝人紛紛站出來聲援爭取真普選的學生和市民,大家以雞蛋撼高牆,最後卻因政府清場,令遍地開花的雨傘運動告一段落;一年過去,今天是雨傘運動一周年,熱血的港人未忘初衷,曾經走在前線的王宗堯、捱過催淚彈的卓韻芝、聲援過年輕人的「民主女神」葉蘊儀和譚小環,都再次勇敢地走出來,支持真普選的心不死!

今日是雨傘運動一周年,去年今日,政府用胡椒噴霧與催淚彈鎮壓爭取真普選的民心,向來對政治冷感的演藝人被喚醒良知,紛紛站出來挺學生和市民,周潤發、梁朝偉、劉德華等巨星都發聲,不少演藝人更走上前線,跟市民一齊同心抗爭。當日走在前線的王宗堯,因為良心令他行出來,在雨傘運動中走入龍和道跟學生並肩作戰。日前他在將軍澳接受本報訪問,回首當日說:「呢件事發生嘅時候,大家好團結好齊心,當然亦有好多分化,但你會見到香港嘅獅子山精神,突然間湧現番出嚟,有啲沉睡緊或向來冇咁關注香港嘅人,都喚醒番佢哋嘅良知,令更多唔同嘅人敢言,發聲表達立場。」



■一年過去,今日的王宗堯仍然不後悔曾站出來撐學生。攝影:林德雄

「重新選擇都揀呢條路」

雨傘抗爭一年,最後被政府清場落幕,王宗堯說:「當然你話成個政局有冇變過?我覺得係冇乜變過,可能更令大家覺得氣餒咗,冇咗嗰種一鼓作氣嘅力,亦可能有人因為呢個原因,坐大咗自己嘅信心,超然咗自己有嘅權力。」不過他慶幸目前仍有言論自由:「呢樣暫時係香港好嘅地方,仲可以捍衞,仲可以發聲。」

在雨傘運動開始時,不少演藝人站出來,可惜最後敵不過封殺令的威脅,無奈地選擇收聲甚至轉軚,王宗堯則堅持忠於自己:「我因為同聲同氣俾人叫男神,過去一年多咗關注同工作機會,但我始終覺得自己係香港人,我依然會做一個忠於自己、講事實同企喺啱嗰邊嘅態度,就算重新選擇,我都揀呢條路。」

問到有否試過被人禁聲?他坦言:「善意有好多,好多關心我嘅人講,難得有機會令人關注你做戲,小心啲唔好過火,唔好扼殺機會;惡意亦都遇過,有人叫我不如離開,但我唔想走,呢個係我嘅屋企,嚟緊會點真係唔知,但我會時時提醒自己,若果你都唔勇敢,就會令大家覺得連嗰點點聲音都冇埋。」



■去年王宗堯戴頭盔和眼罩現身龍和道。資料圖片



■去年9.28,警方在金鐘放胡椒噴霧和催淚彈暴力鎮壓,對付手無寸鐵的市民。資料圖片

卓韻芝:抗爭必須長時間

才女卓韻芝去年參加佔中,由灣仔藝術中心走到金鐘聲援,卻在毫無準備下吃了人生第一枚催淚彈。阿芝日前重遊舊地,看到馬路熙來攘往後說:「由橋望落去條路好短,但當日中彈,用對腳流住眼淚咁行就覺好長!」

阿芝難忘中彈一幕,她說:「我行到金鐘橋底,前面已有人噴胡椒噴霧,我身上只有布袋同一支水,突然天上有催淚彈,冇人有暴力行動,但有人就選擇將暴力升級,我好唔開心!」情況惡化,大家守望相助遞口罩、保鮮紙和雨傘,阿芝撐起雨傘站在鐵馬前線:「以為只係嚇我哋,跟住催淚彈再嚟,仲喺我腳側邊,我望住朋友流眼淚,點解會咁對我?好似俾人一拳打埋嚟!我呃婆婆唔返去食飯,事實當時我用水係咁洗眼。」

365天過去,雨傘運動早已清場,阿芝說:「我冇強烈紀念感覺,唔會覺得件事完成或過去,我唔會用清場釐定成敗,抗爭必須長時間。」這一年阿芝覺得心更平靜,她說:「對好多事唔會再驚訝,慣咗好荒唐,社交平台多咗推動嘅活動,呢啲就係力量。」早已不信政府的阿芝,直言雨傘運動令巿民學會要有組織發聲,她說:「我當日行前唔係好奇或逞英雄,政府同人民有鴻溝,係佢逼我哋,對立狀態係序幕,再逼我哋都會再走出嚟,爭取普選亦唔會放低,已植入心中。」

採訪:何慧斯、比華利

《雨傘一周年》: http://umbrella.appledaily.com



■經歷過雨傘運動的卓韻芝說:「爭取普選唔會放低,已植入心中。」攝影:陳志嵐



■卓韻芝去年今日在金鐘佔領區中催淚彈。資料圖片

鍾意就快D Share啦!
Related Posts Plugin for WordPress, Blogger...