掃呢頁CODE去手機

2015年9月6日 星期日

方力申鄧麗欣情侶裝上陣 當眾耍花槍 方力申,鄧麗欣,



小方不斷打斷Stephy嘅訪問,好百厭啵!

next 1/1 pre

大家請留意,係連對跑步鞋都係情侶裝。

next 1/1 pre

身為「飛魚王子」嘅小方竟然話自己依家唔會去游水。

next 1/1 pre

不過就會同Stephy一齊做運動,仲會鞭策對方添。

next 1/1 pre

得喇,知你哋夠晒sweet喇~

next 1/1 pre

藝人方力申(小方)與女友鄧麗欣(Stephy)現身街馬活動,兩人以情侶裝現身,講到連鞋都一樣,小方解釋謂是贊助商贊助,問到平時可會情侶裝上陣?他們即謂千祈唔好,而且亦未試過,Stephy謂:「我哋成日都着差唔多色,但唔係特登夾,係咁啱揀咗一齊某隻色。」那可有用其他情侶物品?小方謂:「因為我哋成日出嚟會難逃你哋法眼,同埋我地都唔係靠呢啲表達情感,都咁多年。(因為覺得呢啲老土?)唔老土,但只係我哋少用啲啫,都會有嘅,但可能唔係同時間用。」

至於問到兩人平時可會一齊做運動?他們都謂會一起跑跑步機,但Stephy則表示在小方隔離做fitness運動會很大壓力:「因為佢會係咁鞭策我。」之後小方就鬥嘴謂自己都好大壓力:「因為我鞭策唔到,佢會話我唔做,冇力呀,你做吖笨!」聽畢Stephy即笑謂:「你有冇咁誇張!」問到兩人可會一齊游泳?小方就謂自己唔游水:「10年內游過嘅次數數得出,因為游水唔會有進步,唔進步嘅嘢就唔想做,所以會做第二啲會進步嘅。」

而Stephy透露九月中會與排球隊成員出發到台灣集訓四日,坦言自己都緊張,因為當地會有個魔鬼女教練,此時小方即搭嘴:「魔鬼在咩呀?身材?」Stephy則問小方要唔要一齊去?小方則謂:「我哋籃球隊啲男仔好想一齊去,但無奈我哋冇sponsor,你哋有嘛,個個唔捨得畀錢,所以都唔去。」之後Stephy謂此趟行程緊密,此時小方又搭嘴問:「行程緊密在咩?Shopping?」Stephy即扮嬲笑問小方:「你邊間(報館)架?」小方即笑言自己是「方方日報」,場面搞笑。

鍾意就快D Share啦!