2015年9月27日 星期日

林作冇諗過同麥明詩結婚 :邊有人咁早結婚 麥明詩,林作,



林作冇諗過同麥明詩結婚 :邊有人咁早結婚

2015-09-27 15:05:00



(攝影:沈健程)

「十優港姐」港姐麥明詩早幾日比傳媒影到佢同大狀男友林作喺金鐘同灣仔拍拖,不過林作噚晚出席活動時依然拒認女友,仲話唔會同麥明詩結婚0添!

噚晚平治慨念店Mercedes me噚晚喺中環搞咗個開幕禮,薛芷倫、Cara G.、活希兒同麥明詩男友林作都有出席,林作話係佢師傅清洪叫佢嚟,記者問佢點解唔同女友一齊到,佢竟然反問記者:「你哋係咪講麥明詩?」吓?乜你好多女友咩?林作就解釋話:「因為之前你哋話我中意蔡思貝吖嘛!」跟住就話麥明詩要做嘢,所以冇嚟。

講到之前林作同麥明詩比傳媒影到拍拖行街,林作就話:「你哋唔好作古仔,講到我好似好偉大咁!」原來佢係講緊報道話佢做阿四好體貼,但林作就覺得自己唔係阿四咁偉大。麥明選港姐之後係咪少見面?林作無稜兩可咁話:「冇話少唔少。」會唔會爭取時間見多啲?佢話:「唔會話爭唔爭取,盡量遷就佢見面時間。」你冇投訴咩?林作話:「唔會,佢選得香港小姐一定忙,唔忙就好大鑊㗎」而家女友做咗港姐,會唔會押後婚期?林作好大反應咁話:「咁早講結婚?邊有人咁早結婚0架,我冇諗過結婚囉!」

林作話支持麥明詩入娛樂圈,問佢係咪以男友身份支持時,佢竟然話:「作為朋友一定會支持。」吓?莫非你哋分咗手?林作就話:「呢啲問題咁尖銳,我冇承認過,何來分手呢?」比人影到拍拖都唔認?佢就反問:「點先算係拍拖呀?又冇拖手冇打茄輪冇鍚面,唔會喺公開場合囉,你哋都冇影到!」有傳你計劃從政喎?林作就話:「我對政治係有興趣,但從政係另一回事。」至於係咪參選區議員,佢就話未計劃清楚。



林作話支持麥明詩入娛樂圈。





又話一直都冇承認麥明詩係女友。

鍾意就快D Share啦!
Related Posts Plugin for WordPress, Blogger...