掃呢頁CODE去手機

2015年9月3日 星期四

牛雜妹飛越《馬場BOSS》 打造吸金路 牛雜妹,李美琪,

各位讀者快快download《馬場BOSS》App!

牛雜妹飛越《馬場BOSS》 打造吸金路

「牛雜妹」李美琪(Monnie)因參選港姐而人氣爆燈,搶閘入娛樂圈。密密做的她其首個正式工作,原來是為《東網》今日推出新App《馬場BOSS》做Angel!Monnie更定下目標,催谷自己喪吸金,希望三年內買樓上車圓業主夢。

「娛圈新丁」Monnie搶閘入娛樂圈,首個工作便是為《東網》今日推出新App《馬場BOSS》做Angel,拍攝宣傳片和影硬照。當日Monnie準時到達拍攝場地,快速補妝後,便開始錄影,由於早已告知她台詞,她只需對鏡頭讀出約1分多鐘的宣傳對白,錄影第一take時,Monnie順利背出對白,但因為緊張及生硬,要拍多幾take。可能因為她太緊張,之後再試5、6次都有少許失誤,好似背錯台詞、食螺絲等,Monnie都即時「耍冧」say sorry。問她有否花長時間背台詞,她笑謂:「都冇嘅,對白還算OK,我臨瞓前有睇過,晏晝得閒都有望兩望。正式roll機有啲緊張,驚NG阻住大家收工。」

要求高拍得專業

休息過後,Monnie回復信心,向在場工作人員揚言:「呢次係最後一take!」雖然拍攝成功,不過要求高的Monnie為做到最好,還是要求再拍多一次做後備。她說:「始終呢個係一個工作,我希望出嚟嘅片會令人覺得專業!」另外,每次拍攝Monnie都很在意鏡頭入面的自己,怕影得肥,希望就位顯得她瘦些。

馬迷注意《馬場BOSS》App今日登場。
  • 馬迷注意《馬場BOSS》App今日登場。
《東網》推出新App《馬場BOSS》,並有靚女秘書教投注。
  • 《東網》推出新App《馬場BOSS》,並有靚女秘書教投注。
《馬場BOSS》<br>下載QR Code
  • 《馬場BOSS》

    下載QR Code
Monnie喜歡接受新挑戰,覺得自己冇入錯行。
  • Monnie喜歡接受新挑戰,覺得自己冇入錯行。

錄影後到拍硬照環節,Monnie直認因較少接觸影相而緊張,說:「覺得自己擺甫士有啲生硬!嚟緊要買多啲雜誌,睇多啲model點擺!」而穿起制服拍照的她笑說:「雖然有做過part time model,但就多數係化妝model,從來冇試過玩cosplay,私影都冇試過!」

談到今次是她入行首個工作,Monnie說:「每樣嘢都係自己以前未接觸過,真正了解成個工作之後,覺得好新奇!好有挑戰性,好好玩,自己都好enjoy!覺得冇入錯行,雖然一開始唔熟悉會有啲蝦碌,或發揮得唔好,但我相信假以時日,多啲練習,會愈做愈好!」

有個夢想做業主

率性的Monnie坦言入行就是想紅,自己一直有個夢想,就是圓業主夢,希望買大屋令爹哋媽咪住得舒舒服服:「目標是希望三年內搵到第一桶金,可以嘅話畀到千呎豪宅首期,我知距離目標仲有十萬八千里,不過我會努力!都係學嘢先(有冇玩股票?)我全家人都冇玩,覺得腳踏實地適合啲!」

至於未來發展,Monnie希望專注在演戲方面:「想拍多啲唔同嘅電影,摸索邊類型角色及定位適合自己,想試悲情戲,雖然難度高,但如果投入到角色,會好有成就感。(係咪容易喊嘅人?)其實我係一個典型水瓶座嘅人,喜怒無常,好易喊!睇段感人故事我都喊得出。」她又希望做主持工作。文:甄之慧 攝:吳文聰

鍾意就快D Share啦!