網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年9月9日 星期三

放棄治療 爆房唔搞嘢 劉馬車:我係青頭性無能 [FACE - 433] 劉馬車,劉駿軒,MF,



劉馬車話自己未拍過拖,更話:「我仲係青頭仔,我到呢刻都係隔住底褲搞。」

真面目

放棄治療 爆房唔搞嘢 劉馬車:我係青頭性無能

手機年代,話之你係天王定蛋散,點擊率決定一切,要數呢期點擊率最高一定係劉馬車(原名:劉駿軒),由 11年開始自拍片上 YouTube,試過全祼玩菜刀,試過深情剖白,最近連溝女爆房都自拍,巴打狂插坐埋監,但遍地花生,點擊率奇高。

上週劉馬車接受本刊訪問,除咗自爆冇同「香香公主」性接觸,更自稱係處男一名,他說:「我𠵱家仲係一個青頭仔,到呢刻冇真正交合過,都係隔住底褲搞。」信唔信佢好?







19歲劉馬車(原名:劉駿軒)自拍上 YouTube四年,自稱天水圍陳浩南拍過唔少短片,亦因刑事恐嚇曾被判感化,即至上月 20日劉馬車再自拍新片,內容圍繞自己身世,及曾經入過精神病院,「癲仔」突然玩感性,令佢再度「爆紅」有接近 40萬點擊。

成功𠝹女

劉馬車上星期二( 2日)在 facebook上載,自己在創興廣場 19樓識到女仔,但冇巴打葡萄佢喎。網上圖片

劉馬車同新相識女仔,疑似到時鐘酒店,二人更在床上攬到實,他仲喺鏡頭前說:「佢係全世界最香。」網上圖片

「百幾條女 Hi我!」

如願被關注,劉馬車上週三( 2日)再喺 facebook發功,自拍了與一位 19歲少女,疑似在時鐘酒店出現,劉馬車在片中大讚少女:「佢係全世界最香嘅女人。」,少女亦因此被巴打稱為「香香公主」當大家以為劉馬車有女食,上週六( 5日)劉馬車喺荃灣接受本刊專訪,原來同「香香公主」並沒有進一步,他說:「當晚佢話去爆房,但我𠵱家仲係青頭仔嚟,我哋剩番條底褲,但冇搞到。」劉馬車仲話唔介意被人笑性無能,他說:「冇所謂,因為我真係×唔出,我某程度上可能真係性無能,但你哋又吹得我脹咩?有咁多女肯同我搞嘢,但我又唔搞啫嘛!」更話識女仔冇難度,他說:「每日都有百幾條女喺 facebook hi我,我邊得閒應。」但劉馬車話未拍過拖,「我係冇拍過拖,只係同女仔攬攬錫錫,我自己都渴望拍拖,希望係心地好、思想成熟呀、乖嘅𡃁妹,希望係岑麗香囉,當然要十幾歲啦。」

真情表白

劉馬車在 8月初上載自拍片,大談自己身世,及在精神病院治療經過,唔少巴打,仲讚佢好感性,戥佢可憐,此片在其 YouTube頻道點擊已超過 15萬,連埋其他轉貼合共超過 50萬點擊。

童年靚仔

劉馬車細個時候幾靚仔,而且仲冇鬥雞添,到 13歲開始成形

13歲成形

「想成為張建聲!」

劉馬車嘅愛情觀旁人難明,但拍片原來除咗呃 like外亦有目的,他說:「我第一次拍片係 11年,當時爸爸買咗部智能手機畀我,我就覺得好得意,狂拍自己,其實拍咁多都係想做演員,我想成為羅力威或者張建聲咁,如果我做到演員,我唔拍片有咩所謂。」劉馬車在單親家庭長大,一傾到阿爸,亦罕有地認真他說:「爸爸有睇過我啲片,佢剩係叫我唔好講咁多粗口,佢為我好嘅,家庭環境有影響到我今日嘅自己,但好多人都慘過我啦,冇阿媽啫我有老豆喎。」又幾正能量喎!

劉馬車一直視羅力威為偶像,呢期人氣勁,更被邀請出席上週三( 2日)的《猛龍特囧》慶功宴,仲同羅力威女友雨僑同場,劉馬車話有車馬費一千蚊收番。

被擺上網

劉馬車其中一條片自己全祼對住鏡頭玩菜刀,他說:「段片冇諗過被人擺上網㗎,我 send畀個朋友,佢就擺咗上去。」網上圖片

鬧感化官超離譜

劉馬車自 11年開始拍片,不定期上載 YouTube,屢被封帳號屢戰,好多人當佢亂噏 24,負評亦超多,但點擊率高企,一條片隨時幾十萬人睇。不過佢試過拍片鬧感化官就真係好不該

片長 28秒,主要鬧 YouTuber大 J竟然可以出書,但都有超過 30萬人點擊。

劉馬車拍片經常粗言鬧人, 13年被刑事恐嚇其間,再拍片鬧女感化官,女感化官再報警,而劉馬車就話諗返轉頭相當後悔,但之後佢又拍片鬧各人氣 YouTuber。

片長 28秒,主要鬧 YouTuber大 J竟然可以出書,但都有超過 30萬人點擊。網上圖片

劉馬車拍片經常粗言鬧人, 13年被刑事恐嚇其間,再拍片鬧女感化官,女感化官再報警,而劉馬車就話諗返轉頭相當後悔,但之後佢又拍片鬧各人氣 YouTuber。網上圖片

網上圖片

採訪、撰文、攝影:娛樂組

鍾意就快D Share啦!