網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年9月16日 星期三

撇鍾嘉欣瘋狂溝女 伍允龍吞送上門劉佩玥 [FACE - 434] 嘉欣,劉佩玥,李嘉欣,伍允龍,鍾嘉欣,MF,



劉佩玥送上門到伍允龍長沙灣昇悅居住所樓下食拉麵,短聚 90分鐘,期間兩人一直拉着同款迷彩篋,襯到絕!

封面

撇鍾嘉欣瘋狂溝女 伍允龍吞送上門劉佩玥

鍾嘉欣同伍允龍拍拖 8年突然分手,有傳分手原因是伍允龍暗交 Super Girls隊長 Aka,但原來伍允龍撇甩鍾嘉欣之後忽然狂溝女,除咗 Aka之外,拍攝《城寨英雄》時又搭上對手劉佩玥。

伍允龍同劉佩玥同樣 9月生日,上週喺電視城開完生日會之後,兩人乘的士到伍允龍長沙灣住所昇悅居附近短聚 90分鐘。當打星遇上港姐,擦出乜嘢火花呢?

鍾嘉欣跟伍允龍本來感情好穩定,男方曾公開入後台撐女友開騷,去年伍允龍主演的《天師鬥殭屍》首映,鍾嘉欣亦高調現身支持,點知 1年唔夠,兩人都分別承認已好耐冇聯絡對方, 8年情就咁玩完。

鍾嘉欣同伍允龍拍拖 8年,男方最近加入大台拍劇,本來有機會合作,點知兩人突然分手。

劉佩玥 13年奪港姐季軍前,曾獲施念慈賞識成為模特兒。

伍允龍近排頻頻在微博 po同劉佩玥合照,在電視城慶祝完生日亦有合照留念,唔通想公開戀情?

2人最近合演《城寨英雄》而撻着,套劇正式開工拍咗約一個月,估唔到咁快撻着。網上圖片

情侶篋密會

其後有指鍾嘉欣情緒低落,幾乎令好轉多年的抑鬱病復發,幸好有朋友陪散心才能忘記傷痛,早前亦被傳與內地小生丁野撻着。不過伍允龍都唔弱,撇甩鍾嘉欣即變甩繩馬騮,拍電影溝完 Super Girls隊長 Aka,最近原來又搭上 13年港姐季軍、有「發電廠」之稱的劉佩玥。

在拍攝《潛龍狙擊》期間同 Aka傳緋聞,有指 Aka更成為「鍾伍戀」分手的導火線,而男方則指大家只是師徒身分,教對方武功而成為朋友,但原來伍允龍竟是「大玩家」。

另一方面同劉佩玥一齊拍大台劇《城寨英雄》而撻着, 9月 9日生日的劉佩玥和 16日生日的伍允龍,上週四( 10日)一齊返電視城同其他「 9月之星」慶祝。切完蛋糕後伍允龍同劉佩玥兩人步出大門等的士, 2人登上車離開,直駛長沙灣昇悅居,亦即是伍允龍住所。

10/9 大台等車

上週四( 10日) 2人參加完生日會後撇甩大隊步出電視城,劉佩玥 call的士等候離開。

齊上的士

2人上的士直奔長沙灣,伍允龍並無幫劉佩玥開車門,似乎有欠紳士風度喎。

夜晚護花

伍允龍和劉佩玥拖住情侶篋,醫完肚伍允龍便送女方上的士,然後自行返回住所。注意女方其實家住沙田第一城,咁遠水路食碗麵,認真有心。

Super Girls Aka:師徒關係

2人落車後一人一個同款情侶拖篋走入昇悅居一日本拉麵店醫肚,約個半小時後才步出商場,應該傾得幾投契;接着慢慢行到的士站,劉佩玥上的士,伍允龍則未有跟上,目送對方離開後便返回住所。家住沙田第一城的劉佩玥,送上門到長沙灣密會,真係用心良苦。

疑似一腳踏兩船,週一 Aka出席活動時就話:「我哋純粹係師徒關係,我淨係知道,師傅要去大台拍劇,一齊拍劇都好正常,師傅做乜我會支持佢嘅!」至於問到他同伍允龍有否機會超越師徒關係, Aka則說:「唔好傻啦,冇可能啦,真係冇可能,佢哋(劉、伍)嘅事我唔知道,我哋純粹係師徒關係!」見伍允龍暗溝另一條女, Aka唔認徒弟認得乜呢?

有傳伍允龍與鍾嘉欣分手,是因 Super Girls隊長 Aka介入, Aka則稱對方只是教自己武功的師傅。

師徒定情侶?做乜我都會支持!(真實對白)

Aka每星期跟伍允龍練功,又向對方借碟學藝,大把相處機會。網上圖片

伍允龍轉追劉佩玥, Aka上週二( 8日)獨自愁爆遊銅鑼灣,不時拿出手機篤篤篤。

夜晚終於約到朋友陪散心,但 Aka戴上口罩似唔想見人。

八年情結唔到果

鍾嘉欣同伍允龍呢 pair經歷咗 8年,由一直低調直至近年半公開戀情,估唔到突然分手, 8年青春咁就冇咗!

熱戀期

07年開始拍拖,即使被發現凌晨歎完宵夜, 2人在鍾嘉欣將軍澳新都城住所樓下痴纏,鍾嘉欣依然唔認對方身分,話大家只係朋友。

網上圖片

高調期

近年開始半公開戀情,上年嘉欣 30歲生日會,伍允龍負責打點;伍允龍主演的《天師鬥殭屍》首映,嘉欣 BB又高調撐場,儼如金童玉女。

《蘋果日報》圖片

分手期

有傳陳展鵬和 Aka分別介入導致分手,伍允龍上月中被問到會否同嘉欣合演電視劇時,表示已有一段時間冇聯絡對方,默認 8年情完結。

發電港姐好多仔溝

《忽然 1周》圖片

劉佩玥浸大電影系畢業,於 13年港姐奪得季軍,今年憑《四個女仔三個 BAR》飾演律師 Holly而人氣急升,桃花運亦直線上升,身邊男人團團轉,連何家四房公子何猷亨也是裙下之臣。

何猷亨送外賣

身為何家四房公子的何猷亨,最初力追 13年港姐冠軍陳凱琳,曾在對方 ig留言兼送心心眼,又稱呼對方女神(右圖),可惜女神只愛大叔鄭嘉穎,何猷亨於是轉投力追同屆季軍劉佩玥,甚至願意做外賣仔,送宵夜給拍通宵戲的劉佩玥。

《蘋果日報》圖片

黃又南車廂錫

唔吼富家子,劉佩玥鍾情剛加入大台拍劇的黃又南,今年 5月劉佩玥在尖沙咀出席完港姐記招,又南駕車接送,在附近買完咖啡後,兩人在車上談心一輪後,開始你錫我一啖,我錫你一啖,又南更露出得戚笑容。

《蘋果日報》圖片

網上圖片

周志文唱 K咀

《蘋果日報》圖片

緋聞多多的大孖周志文曾連溝 7女,有指劉佩玥和周志文去唱 K飲大兩杯, 2人旁若無人狂咀,結果激嬲高層樂易玲而下令將他解約。

採訪、撰文:娛樂組

攝影:娛樂突發組

鍾意就快D Share啦!