網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年9月2日 星期三

白鴿眼  Juno邀拍〈羅生門〉前傳 MV 吳日言遭侮辱:你都冇嘢撈㗎啦 [FACE - 432] Juno,吳日言,羅生門,麥浚龍,MF,



恨拍〈羅生門〉恨到出面,收到電話請拍〈雷克雅未克〉反而拒絕, Yan接受本刊電話訪問時直認:「佢哋態度唔好!」

真面目

白鴿眼  Juno邀拍〈羅生門〉前傳 MV 吳日言遭侮辱:你都冇嘢撈㗎啦

俾〈羅生門〉洗完版,大家準備好再俾 Juno首前傳〈雷克雅未克〉洗版未?男主角周國賢上週五( 28日)在 fb自爆同本地一位歌手兼導演拍完新歌 MV,網上盛傳嘅〈羅生門〉 hehe前傳呼之欲出!

兩個月前抽〈羅生門〉水抽到出面、仲唔怕醜自製粗糙改圖,原來在世界中心呼叫「恨拍」,吳日言( Yan)的聲音真係俾 Juno聽到出聲邀約,最衰 Juno身邊人勁冇禮貌:「你都冇嘢撈㗎啦……」,咁侮辱,結果機會送到上門都被 Yan拒絕!

出道 11年、 11年來都冇星運行,你估吳日言唔知機會難能可貴唔好放過咩?學似黎明話齋,左手又係肉,手背又係肉,求一個機會定一份尊重?今次吳日言選擇咗後者!

怕講多錯多嘅 Yan本來好好火,上週二( 25日)在私人 ig暗寸 Juno(上),不過隔一陣就重新編輯,變咗潔淨版(下)。

搵人妻 Kay濕身合唱〈羅生門〉,各版本點擊總計過六百萬,如果真係換咗 Yan唱有冇咁多,你話呢? YouTube畫面

「佢地態度唔好!」

話說〈羅生門〉冇 Yan份,再拍前傳〈雷克雅未克〉,唔知 Juno係唔係真係見到 Yan自製改圖,醒起十年前嘅〈耿耿於懷〉老拍檔吳日言,近日叫身邊人致電邀拍新歌 MV。

不過據悉有人在電話中語氣不屑,直言「你都冇嘢撈㗎啦……」,加上零酬勞又沒冇明確時間地點安排,當正皇恩浩蕩施捨要求 Yan廿四小時隨時候命,本來收到電話相當雀躍的 Yan為啖氣婉拒。

本刊致電「女主角」,雖然怕講多錯多,吳日言都係忍唔住呻:「十年前我自薦入 Silly Thing同佢拍〈耿耿於懷〉 MV,本來諗住十年後又俾我喺 fb自薦成功,咁就圓滿喇!點知佢哋打嚟態度唔係咁好,所以我推咗,拍唔到都冇辦法,當缺憾美囉!」咁諗都啱嘅,正如 Juno旗下咁多人,都實有白鴿眼唔係個個有禮識做,當缺憾美囉!

七月〈羅生門〉洗勻全城版, Yan當時自製粗糙改圖取代 Kay話滿足網民,點知反而被指抽水。網上圖片

周國賢上週五( 28日)自爆已經同歌手兼導演拍完新歌 MV,心水清網民個個都估到係〈雷克雅未克〉。網上圖片

相比棄將 Yan, Juno明顯更看重兄弟情,明益周國賢邀請合唱新歌。

自製完改圖、又在有份主持有線節目《娛樂熱辣辣》評論〈羅生門〉,仲自稱係「合適人選」評論 Juno歌路演變。網上圖片

10年之約?

YouTube畫面

04年自薦成功加入 Silly Thing,又因為係 Juno旗下唯一女歌手榮升一姐、有份拍三部曲之一〈耿耿於懷〉,確係 11年來 Yan事業唯一高峰。 YouTube畫面

一棄呵成

出道 11年,吳日言星路唔係暗淡咁簡單,而係去到邊都難逃解約棄將宿命。 14年曾經投資手機 app,可惜一樣撈唔掂轉行失敗,焗留娛樂圈。

拍劇

去年開始在有線擔任節目主持,並獲 HKTV邀請拍劇,《三面形醫》有佢份,不過角色典型港女仲要呃綜緩。

賣 app《蘋果日報》圖片

11年一度簽約 Neway Star轉行做主持,一年後又收掛號信被炒。 14年 Yan又轉行,投資五位數字同朋友搞手機 app,親自落區推銷完,一樣做唔長。

主持

05年同 Silly Thing解約後, Yan曾經得森美照應加入《駕勢堂》做主持,不過被聽眾一致劣評,火速消失。

採訪、撰文:娛樂組

攝影:攝影組

鍾意就快D Share啦!