掃呢頁CODE去手機

2015年9月5日 星期六

孖國際漿睇Maroon 5 露肉超蓮勁興奮 超蓮,何超蓮,





其他影片:>>






賭王千金何超蓮,同「國際漿」阿GEM老友鬼鬼,睇Maroon 5又點會唔預佢吖!兩位同上次睇Big Bang一樣,興奮到拍低自己「un un吓」嘅樣,港女睇騷自拍行先,是常識吧?

尋晚(9月4日)Maroon 5喺香港亞博開騷,鬼妹仔超蓮當然要捧場,佢同個男仔朋友一早就企定定喺場館門口,等候國際漿大駕光臨。超蓮,係要俾啲耐性嘅,人哋國際漿好日都唔喺香港,唔識路都唔奇呀!

GEM啱啱喺瑞士少女峰showoff完巨肺,見到老友,第一時間唔係同超蓮分享喜悅,而大部份時間都揸住部電話唔放,搞到超蓮好冇癮。吹到冇嘢好講,終於都入得場。

雖然超蓮佢哋企得好遠吓,但依然睇得好high,之後更拍埋片,你睇佢同GEM個樣就知Maroon 5呢首歌叫《Sugar》,MV就出名喇,講Maroon 5突然出現喺幾對新人嘅婚禮現場,唱歌贈興俾驚喜,好正!

超蓮咁鍾意《Sugar》,睇嚟佢對婚禮都有一定憧憬,唔知男友吳克群,又get唔get到呢?
鍾意就快D Share啦!