網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年9月24日 星期四

一個夢想:做生意不求賺錢 周秀娜賣肖像布公仔 Nananana [壹週刊 - 1333] Nana,周秀娜,M1,



探熱針

一個夢想:做生意不求賺錢 周秀娜賣肖像布公仔 Nananana

09年入行的周秀娜,密做密執,搵落唔少的她,近年終於將步伐放慢,享受生活,更懶理冇錢賺,跟 Chocolate Rain設計師 Prudence合作,以自己外形為藍本,生產開心少女公仔耷眼 Nananana。

重新出發

生產 Nananana的計劃,源於入行初期,周秀娜要在一班𡃁模中盡快跑出,影寫真拍戲出活動搏到盡;直至有日她開工路經中環的 Chocolate Rain店,聽完設計師兼老闆 Prudence分享創業經歷,周秀娜突然有所領悟。

「啱啱開始嗰一年幾,我衝得好勁,工作安排係全滿,就算行路都快過人,根本冇時間思考。直至有日經過 Prudence舊鋪,分享咗佢嘅創業同有關生產 Fatina(公仔)故事,一個追夢女仔,成功做到自己鍾意做嘅嘢。我聽完覺得好有激勵性,當時已經放鬆心情,重新面對忙碌。」周秀娜說。

設計師麥雅端( Prudence)以她的樣貌設計 Nananana,旁邊黑髮的叫 Fatina,是 Prudence的創業作。

除有公仔外,也推出了杯碟套裝。

二人更聯手合作了一本繪畫本,裡頭有不少金句,鼓勵年輕人。

學習慢活

幾年後,彈藥充足的周秀娜已有能力置業,對工作亦開始有選擇,重新調節生活模式,學習慢活,一直有留意 Prudence的她,知道對方近年提倡環保和做了不少慈善工作,二人便決定合作,生產 Nananana。

「我覺得 Nananana呢嗰名俾人感覺好開心,好小朋友,個樣有啲憂鬱,對眼耷耷哋,我發夢時就係咁。」周秀娜十分滿意 Prudence為她度身訂造的布公仔。

追求夢想,周秀娜擺明不為賺錢,甚至不過問生產數量。

「我信任 Prudence,佢個 Fatina就係一個夢想,香港嘅年輕人需要鼓勵,我想用 Nananana激勵大家,喺追夢過程中互相支持。」周秀娜說。

設計師 Prudence跟周秀娜經常分享心事,因而成為朋友。

位於中環的 Chocolate Rain,由裝修到貨品,都充滿童話色彩。

初出道搏上位,寫真大賣後,她又出人形攬枕繼續谷人氣。

周秀娜數年前為品牌設計內衣褲,今年索性開店賣自家品牌 Laa Naa,不過她自認唔識做生意,要其他股東幫手睇數。

前度 Avis偷食,她隨即斬纜,這次分手算是她人生小打擊。

做到無停手,周秀娜試過出外景做節目嘉賓受傷,要坐輪椅返港。

尋開心

潮人推出自家品牌,衫褲鞋襪香水乜都可以,好似周秀娜出肖像公仔,就氹自己開心多過求發達。

劉德華  Andox

寫得一手靚毛筆字的劉德華, 07年因有工作在身,未能跟媽咪慶祝母親節,心血來潮設計了 Andox公仔,一黑一白的 Andox更放大成真人版,在劉華演唱會做特別嘉賓。

傅穎  Pigsa

11年,傅穎連同散文繪本設計了一個黃髮大眼,名叫 Pigsa的公仔,限量發售 300個。書展當日,她更打扮得幾乎跟 Pigsa一模一樣,差在冇將頭髮漂埋黃。

撰文、攝影、攝錄:娛樂組

nextplus.nextmedia.com

鍾意就快D Share啦!