掃呢頁CODE去手機

2015年9月23日 星期三

用完即棄】粉絲狂插阿Sa 陳偉霆懶理 阿Sa,陳偉霆,蔡卓妍,





其他影片:>>






五年情玩完,阿Sa(蔡卓妍)在星期一(二十一日)首度開腔講分手時,仍然幫住前度陳偉霆(William):「絕對冇牽涉第三者,從頭到尾都冇。(因為聚少離多導致分手?)係,因為大家都忙,處理呢啲壓力要時間,暫時我同佢都冇時間,所以咁樣舒服啲。」

有指William在內地爆紅,就同阿Sa分手,打完齋唔要和尚。但阿Sa死撐:「我好清楚佢為人,佢唔係一個壞人。」當被問到有否覺得可惜,阿Sa似乎對同William復合仍存有希望:「一切順其自然,由上天安排。」

其實阿Sa同拍檔阿嬌(鍾欣桐)一樣,「好天真同好傻」!據了解,今次分手是William向阿Sa提出,由被黃曉明寸爆「我不知道陳偉霆是誰」,到憑內地劇《古劍奇譚》一炮而紅後,阿Sa就被William的fans密集式攻擊,嘲諷她結過婚又年紀大,完全配不上William。

隨住男方愈來愈紅,fans惡意攻擊有增無減,明知阿Sa好在意,偏偏William唔敢出面勸停,驚得失班米飯班主,自私自保,其實是策略。由最初叫阿Sa忍,到最近四個月,William開始向阿Sa提議雙方不如暫時分開,等自己在國內再企穩腳,到時不用再擔心fans反對,才復合再一齊。

「阿Sa梗係唔想分手,由頭到尾佢都好愛William,愛到不得了,不過William講咗好多次,話咁係為佢(阿Sa)好,唔想佢咁大壓力,又話想趁呢幾年再衝,叫阿Sa俾啲時間佢同等佢;最後阿Sa無奈答應,William即刻搵人度好晒封分手聲明,仲搶先(五分鐘)喺微博公布,阿Sa無得反口,只好跟住宣布分手。」阿Sa身邊人說。
鍾意就快D Share啦!