2015年10月28日 星期三

打到七勞八傷 《 007》丹尼爾想唔撈 [FACE - 440 - 外地娛樂] 丹尼爾,MF,007



《鬼影帝國》斥資 23億港元拍攝。單是飛去墨西哥拍攝這場亡靈節場面,已招請了當地 1,500名臨時演員演出,絕對係大場面。

西區

打到七勞八傷 《 007》丹尼爾想唔撈

相信你,甚至你阿爸都係睇《占士邦》電影大。話咁快,今年已經係《占士邦》電影系列踏入 53年,而第 24齣邦片《 007:鬼影帝國》( 007: Spectre),將於 11月打到嚟香港。

今次《鬼影帝國》中丹尼爾基克飾演的占士邦,將透過一名寡婦罪犯滲入一個秘密會議,發現邪惡組織魔鬼黨,繼而深入虎穴,進行正邪交戰。斥資 23億港元製作的《鬼影帝國》全以實景拍攝,男主角丹尼爾基克更因親身上陣上演多場驚險動作場面,搞到七勞八傷,令火爆丹尼爾忍唔住發晦氣話,寧願割手都唔想再演占士邦。

《 007:鬼影帝國》講述一則神秘訊息引領占士邦從墨西哥追蹤到意大利,途中遇上寡婦罪犯 Lucia( Monica Bullucci飾),占士邦透過她參加一個秘密會議,期間發現邪惡組織「魔鬼黨」,為對抗邪惡組織,占士邦身陷險境。

1.今次《 007:鬼影帝國》投資幾多錢拍攝?

23億打造

今次《鬼影帝國》為求真實,不惜工本用實景拍攝代替 CG。因今次電影涉足的國家除英國之外,還有墨西哥及意大利等,據知在墨西哥拍攝一場亡靈節場景,更動用 1,500名臨時演員做出嘉年華會感覺。而片中占士邦更撞毀 7架 Aston Martin名車。計計埋埋《鬼影帝國》一片總共豪花 2億英鎊(約 23億港元)拍攝,簡直燒銀紙,唔怪得成為史上投資最多錢的占士邦片。

2.今次丹尼爾有幾搏殺?

於《鬼影帝國》丹尼爾上演多場動作戲,如衝上直昇機追打壞人,更跳入反轉飛行的直昇機中對打,全部親身上陣演出。亦因太搏殺,丹尼爾在拍攝期間腳部受傷,並要做手術,但並不代表他可以慢慢休息,據知上月他仍要回片廠補戲,簡直收買人命。

Aston Martin是占士邦的專用車,今次《鬼影帝國》將展示價值 160萬港元的最新型號 Rapid E概念車。上週中國國家主席習近平夫婦訪英,威廉王子也親自帶習總去參觀占士邦新戰車(右圖)。網上圖片

電視畫面

3.聽講丹尼爾發晦氣唔再做占士邦?

現年 47歲的丹尼爾基克,最近被爆他所主演的 4部邦片,合共收約 7億港元片酬,成為史上最高片酬占士邦。但最近因拍新一輯邦片《鬼影帝國》搞到七勞八傷,早前接受訪問時,佢終於忍唔住發晦氣:「其實我演占士邦只為錢。現在我寧願用玻璃割手,都不想再拍邦片。」公開唱衰部戲,卒之搞到電影公司老闆下令他收口。不過有指丹尼爾最近終於同電影公司傾掂數,他會再簽多一部邦片合約。呢場大龍鳳,夠晒宣傳效果。

最老邦女

每集邦片都必定有新邦女助陣,今集飾演寡婦罪犯 Lucia就是意大利女星 Monica Bellucci。 Monica雖然現年 51歲,被喻為史上最大年紀邦女,但樣貌與身材保養得好,絕對是美魔女。

另一位飾演心理學家與占士邦出生入死的法籍女星 Lea Seydoux,現年 30歲, 4年前曾與湯告魯斯的《職業特工隊 4:鬼影約章》(又係「鬼影」?)演敵對特工,今次升呢做邦女郎,總算大躍進

《 007:鬼影帝國》

上映日期: 11月 5日

撰文:何家文

鍾意就快D Share啦!
Related Posts Plugin for WordPress, Blogger...