掃呢頁CODE去手機

2015年10月8日 星期四

有老細「接貨」 陳文媛低調保飯票 [壹週刊 - 1335] 陳文媛,M1,



BoBo將口罩拉貼近眼袋,又不時四圍望,高度戒備。

探熱針

有老細「接貨」 陳文媛低調保飯票

同金紫耀十年情玩完,三十六歲的陳文媛不愁冇人「接貨」,一早跨過前度,得到對方舊老闆、有細價股股神之稱的莊友堅睇起,加入公司做高層,同時修讀法律大學課程,努力向上爬。

有指甩拖後的 BoBo富貴更逼人,買樓又揸開篷 Benz出入;唔想招人話柄影響「老細」莊友堅, BoBo轉低調,改用平實的黑色甲蟲車代步,即使去到非傳媒熱點佐敦區,一樣全程口罩,一眼關七周圍望。高度戒備,免得失靠山!

口罩戴到眼肚

○六年已經脫離娛樂圈的 BoBo陳文媛,同拍拖十年的金紫耀分手後,即獲前度舊老闆莊友堅重用,無端白事變成金融公司高級行政人員,令她再度成為焦點;但明知老細習慣低調,為保住飯碗, BoBo放棄招搖的開篷跑車,改以黑色甲蟲車代步。

日前本刊發現 BoBo揸住甲蟲車在佐敦區一帶兜圈搵位,最終在廟街搵到錶位,之後再行去一街之隔的商業大廈,口罩戴到上眼肚的 BoBo,一直保持高度警覺,幾乎每三步便往後望,確保自己沒有被跟蹤。

在商業大廈逗留兩小時, BoBo攞車直駛返杏花邨住所,未有再外出。

原本揸開篷車的 BoBo,近期再成焦點,為免招人話柄,近日出入已改揸黑色福士甲蟲車。

前度同公司反面離職,卻無損 BoBo同老細莊友堅的關係,依然得寵。

入唔到門心死

成為老細莊友堅身邊大紅人, BoBo更被踢爆去年七月榮升業主,以五百三十萬買入杏花邨一個五百五十六呎單位。有指莊友堅向來重用明星員工,加上 BoBo夠進取,修讀法律大學課程增值,即使前度同公司炒大鑊離職,得寵的她,絲毫不受影響。

「 BoBo講嘢有紋有路,分分鐘醒過金紫耀,老細(莊友堅)覺得佢有腦又夠上進,好值得栽培。」知情人士透露。

有咗碼頭,加上一直不獲前度金紫耀家人接受,明知冇將來, BoBo亦死心接受同對方分手。

「以前 Philip(金紫耀)一提分手, BoBo就嗌生嗌死,但過咗咁多年,佢開始有獨立能力,又明知 Philip屋企唔會俾佢入門, BoBo都唔再拖,答應分手!」知情者說。

十年情結束,金紫耀搬竇換車,身邊女伴亦換不停。本刊見到 BoBo翌日下午,亦發現金紫耀同馬尾中女,在中環 Cafe Landmark撐枱腳。

金紫耀陪 BoBo走過淫照低潮, 09年更打本給女友開水晶貼石美甲店,但當時已有傳真正幕後金主是莊友堅。

分手後,金紫耀身邊女伴氹氹轉,但全部是馬尾女,口味一致。

與落選港姐蔡慧欣及其友人現身中環的金紫耀,對鏡頭好敏感。

入行暗撻 Edison,令 BoBo不幸捲入淫照事件,人生蒙上污點。

撰文、攝影、攝錄:娛樂組

nextplus.nextmedia.com

鍾意就快D Share啦!