網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年10月15日 星期四

套現前夫物業六千萬 楊寶玲第三嫁初戀男友 [壹週刊 - 1336] M1,



娛樂偵訊

套現前夫物業六千萬 楊寶玲第三嫁初戀男友

1987年港姐冠軍,現年四十八歲的楊寶玲( Pauline), 94年跟音樂人陳容森秘婚三年後離異; 02年,三十五歲的她,跟美國凱撒皇宮賭場市場部亞洲區副總裁 Nelson黃延年再婚,並在四十歲高齡誕下兒子 Nathan,嫁夫隨夫,自此定居美國。

據了解,楊寶玲已於去年跟第二任丈夫協議分開,並套現六千萬物業,屢敗屢戰的她更迅速找到第三春,並決定下月於美國第三嫁給初戀男友。

賣樓一刀切

望五張的楊寶玲,今年四月突然將跟前夫黃延年聯名擁有的半山物業,以 6600萬出售,賬面大賺 2800萬。據了解,原來雙方已經辦理離婚手續,為避免再有錢銀轇轕,二人遂將物業先行放售套現。

「 Nelson同 Pauline結婚前,早就分咗一半身家俾佢前妻,到生咗 Nathan,佢又送咗間豪宅俾 Pauline。婚後 Pauline一直住喺美國,連自己媽咪都搬埋去,方便照顧孫仔。但有咗個仔之後,佢兩個反而愈來愈唔夾, Pauline好動,鍾意約朋友出去玩飲吓酒, Nelson就喜歡靜,大部分時間都留喺屋企。前幾年,佢哋偶然仲會一齊返香港探吓朋友,但呢兩年 Nelson寧願留喺美國,由得 Pauline帶住個仔返香港。」知情者說。

楊寶玲四十歲時誕下兒子 Nathan,之後也有帶他回港探朋友。

今年她出售與前夫共同持有的半山物業御花園,撇清錢銀轇轕。

見面少磨擦多

據了解,由於近年內地賭客愈來愈多,要「湊客」的 Nelson更經常要內地美國兩邊飛,兩夫妻見面時間愈來愈少,磨擦卻愈來愈多。

「 Nelson經常要返內地見客同開會,老公成日唔喺身邊, Pauline梗係唔鍾意,就算 Nelson人在美國,但大家嘅嗜好又唔一樣,慢慢就積咗好多問題。兩個都係成熟人,大家唔再拖拉,舊年決定離婚。」

楊寶玲打敗當年大熱李美鳳奪冠,有指她大方得體,決賽當晚亦表現淡定。

身為六福董事的楊寶玲,經常以贊助商身份支持選美活動,葉翠翠那屆的得獎港姐后冠,便由她公司贊助。

fb重遇初戀

經歷兩段失敗婚姻,但楊寶玲依然冇放棄愛情,去年回復單身後,她重新出發,開始跟一些舊相識的朋友,密切聯絡。

「 Pauline係個愛情至上嘅人,覺得結咗婚都應該有拍拖感覺, Nelson大佢成十幾年,加上工作關係,佢覺得自己被忽略。離婚後, Pauline都冇諗過要即刻識人,咁啱今年喺 facebook搵番初戀男友,原來大家都住喺美國,咪約出嚟見吓面,點知一見就撻番着!

「個男仔對 Pauline好好,又識得氹佢開心,兩個係讀緊大學時拍拖,當時大家都喺英國讀書,畢業後, Pauline返香港做嘢,兩個先分手。」

第一任丈夫

陳容森

1994-1997

第二任丈夫

黃延年

2002-2014

定居美國後,楊跟圈中人仍有聯絡,更邀請寇鴻萍夫婦到拉斯維加斯睇騷。

由於 Nelson是賭場揸弗人,楊寶玲被邀出席擔任點睛儀式嘉賓。

朱玲玲與她一樣是港姐冠軍,二人都是美貌與智慧並重的女人。

在香港拔萃女書院畢業後,她便去了英國留學,因此說得一口流利英語。

一切從簡

今次第三嫁,楊寶玲主張一切從簡,雖然會在拉斯維加斯舉行婚宴,但人數唔會多,全都是雙方好友及屋企人。

「 Pauline忙緊搞婚禮,早排六福(珠寶)喺香港馬場搞第一屆賽馬盃, Pauline係董事之一,咁重要嘅公司活動,佢都唔得閒返嚟出席。」知情者說。

本刊致電楊寶玲求證有關十一月婚訊,至截稿前仍未聯絡上。

向來愛情至上的楊寶玲,接近五十仍追求浪漫。

九九年淡出娛樂圈後,楊寶玲主力向商界發展,參與六福集團事務。

八八年,楊寶玲與洪金寶、成龍及元彪幾位武打巨星合作,拍攝電影《飛龍猛將》。

入行後,楊寶玲只拍過六套電視劇,其中一套是《大都會》。

九二年離開 TVB後,她曾在新城知訊台擔任主持,與蘭茜共事了一段時間。

選美出身的她對自己很有信心,廿年前已真空上陣,對身材亦不吝嗇。

前夫陳容森再婚

楊寶玲與音樂人陳容森, 94年在澳洲黃金海岸註冊結婚,二人婚後多次否認已婚傳聞,直到 97年, Pauline開記者會承認曾結婚外,同時宣布正跟陳容森辦理離婚手續,震驚娛樂圈。離婚後,受刺激的陳容森向傳媒大爆前妻現實,「冇家用便冇福利(指性需要)」,成為一時佳話。

98年,陳容森與張可頤拍拖,四年後張可頤提出分手,但再見亦是朋友。已轉到北京發展超過十年的陳容森,數年前在當地與圈外女友結婚,育有一女,現已四歲多。

最威風

今年的出爐港姐麥明詩孭住女拔十優狀元招牌,由面試到參選都是風頭躉,無獨有偶,原來 87年港姐冠軍楊寶玲也是出身自拔萃女書院,更是首位女拔港姐冠軍。

此外,香港自 1952年首屆環球小姐已經派出代表參賽,直到 2001年才停止。 78年港姐冠軍林良蕙曾進身環姐前十二名,而 84年冠軍高麗虹亦拎過「最佳民族服飾獎季軍」,但講到成績最好最威風,是楊寶玲! 88年她在台灣參加環球小姐競選,獲得第五名。

嫁雞隨雞

與楊寶玲同屆的港姐,有亞軍及最上鏡小姐李美鳳、季軍林穎嫺及最受佳麗歡迎的張鳳妮,眾人均已作人妻,嫁雞隨雞,定居海外。

李美鳳

87年港姐亞軍, 90年曾與林敏驄在加拿大秘密註冊,但婚姻只維持了五年便告終。 96年,李美鳳改嫁台灣航空業富商鄭翔中,自此定居台灣, 98年誕下龍鳳胎後過着少奶奶生活,閒時出席品牌活動,五十二歲,風采依然。

林穎嫺

89年放棄幕前工作到美國進修的林穎嫺,畢業後退出娛圈並定居美國。 99年,與 Tom Dupont結婚,婚後育有一子兩女,做全職家庭主婦。 02年,回港出席香港小姐決賽嘉賓,在張玉珊邀請下任修身堂纖體代言人。 12年,林穎嫺回港推出《林穎嫺育兒成功秘笈》,分享育兒心得。

張鳳妮

96年離開無綫後轉到馬來西亞拍劇,機緣下認識了當地富商傅仰峰,二人一見鍾情,拍拖一年便閃婚,定居吉隆坡的她現育有三女。已全身退出娛樂圈的她, 12年在吉隆坡投資開設 Crazy Potato薯條專賣店做老闆娘。

撰文、攝影、攝錄:娛樂組

鍾意就快D Share啦!