網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年10月22日 星期四

做救兵 唐文龍廖啟智回巢補漏 [壹週刊 - 1337] 廖啟智,唐文龍,M1,



探熱針

做救兵 唐文龍廖啟智回巢補漏

無綫小生花旦逃亡潮持續,林峯、胡杏兒、徐子珊、陳茵媺、陳國邦先後同大台分手;演員荒,無綫更慌!只好扮矮仔,向離巢已久的藝人求救,其中唐文龍、廖啟智及苑瓊丹,已答應回巢拍劇,幫手補漏救亡。

六叔愛將親自搵

無綫自作孽,令一手帶大的小生花旦再無留戀,陸續離開,投奔自由。陣中無大將,谷新人要花時間煲,惟有向一些舊人埋手,包括離開大台十年的唐文龍。

「其實 TVB兩年前已經開始搵我,之前鄭嘉穎套《天眼》,我本來應承接,但後來個劇延期開,就唔到期都有啲可惜。半年前,佢哋再搵我拍《殭》,但因為只係其中一個單元,所以推咗。早個月返去電視城探洪天明班,撞到陳輝光先生(六叔前愛將,去年回巢任職無綫集團總經理助理),佢問我攞咗電話,之後就打俾我問我有冇興趣返去幫吓手。我同嘉穎、阿廉(曹永廉)、天明係兄弟,大家已經傾過,諗住度個古仔俾公司,可以一齊拍一齊玩。」唐文龍說。

今年三月播映的電視劇《天眼》,原本陳展鵬的角色是唐文龍飾演,最後因撞期才易角。

今年初開拍的科幻劇《殭》,亦曾經找過唐文龍參演,不過因為戲份少才拒絕拍攝。

蕭定一將無綫經典劇集《十月初五的月光》搬上大銀幕,電影將於下個月上映,未知能否牽動觀眾們的情意結。

想拍香港製作

據了解,下個月唐文龍要返內地拍陳嘉上執導的新片《戚繼光》,回巢做救兵最快也要明年初。○五年約滿無綫後北上發展的他,大部分時間留守內地拍劇,直到今年才回流香港接拍電影《十月初五的月光》。「錢當然要搵,但作為香港演員,總係會想返嚟拍吓啲本土製作,雖然《戚繼光》係內地電影,但陳嘉上係香港導演,所以我當係香港製作。」唐文龍說。

唐文龍憑《十》劇中金勝一角令觀眾留印象,成為事業路上轉捩點。

家燕姐多次暗示及明示唐文龍冧爆佘詩曼,搞到唐文龍鬼咁尷尬。

讚佘詩曼好正

劇集《十月初五的月光》除了紅了初哥哥張智霖,唐文龍金勝一角亦十分搶鏡,經典劇重現大銀幕,唐文龍特別有感覺。

「因為呢部劇觀眾知我叫金勝,未必知我叫唐文龍,所以今次拍呢套戲,對我好重要。」

有傳當年唐文龍追過佘詩曼,如今再合作,大家又是單身,大好良機!

「首先,佘詩曼好正!但當時我本身有個圈外女友,就算要追都冇追到。阿佘而家仲係好正,咁多年朋友,太熟喇!之前係家燕姐搞嘢,話我對佢(阿佘)有眼神,個個對住佢都有眼神」

陳嘉上執導的《戚繼光》,找來洪天明及唐文龍演大將軍,對抗倭寇。

唐文龍雖然以「正」形容佘詩曼,卻因兩人是好朋友而未能進一步的發展,可惜。

回巢變男一

七九年第八屆藝員訓練班出身的廖啟智,在無綫多年來拍超過六十部劇,被公認好戲。○四年滿約離巢,一二年投身港視以男一身份拍《選戰》,今年十二月,廖啟智將會重返無綫,拍攝新劇《律政強人》。

回巢無綫,廖啟智擔正做男主角,「我諗戲份多啲咁啫,同方中信一齊拍,戲裡面好多同佢之間嘅競爭。」智叔謙虛回應。

事實上,離開無綫後,大台曾多次邀請廖啟智返娘家拍劇,「有啲嘢係 timing或者緣分,今次我係抱住個再培訓嘅心態,雖然我經歷過出面空間浮沉,但覺得自己或者需要少少時間適應,特別係心態上,需要 refresh,新嘅刺激。」

廖啟智說,當年離開無綫,與公司重用與否無關。

「我走嘅時候,係因為個仔離開咗,發覺人生原來好多嘢唔係你去控制同掌握,與其係咁,不如放手啦。」

《選戰》

簽約港視期間,智叔拍的《選戰》及《警界線》均大獲好評,更掀起追網劇熱。

《警界線》

回巢變男一

除唐文龍及智叔外,連苑瓊丹亦已返 TVB擔正拍攝新劇《火線下的江湖大佬》,入行廿年首次做女一。 (《蘋果日報》圖片)

智叔與陳秀雯將於十二月中演出舞台劇《折翼天使》,兩人早已合作過,有一定的默契。

演員何俊軒最近在電視城撞番智叔,開心到要影相留念。

撰文、攝影、攝錄:娛樂組

鍾意就快D Share啦!