掃呢頁CODE去手機

2015年10月22日 星期四

黃翠如收網 蕭正楠全面受控 [壹週刊 - 1337] 翠如,蕭正楠,正楠,M1,黃翠如



探熱針

黃翠如收網 蕭正楠全面受控

看似柔弱的黃翠如,對男人絕對有一手!自從公開宣示蕭正楠名草有主後,便逐步收網,主動要搬入男友華景山莊寓所同居,全天候監視,連同朋友聚會,翠如 BB都跟到實,入侵蕭正楠朋友圈子,進一步掌握對方行蹤。

黃翠如滴水不入,蕭正楠無機可乘,被迫全面受監管。

滲入朋友圈

前陣子,有傳蕭正楠同吳若希拍《倩女失魂》期間,被女方姣電,最近拍《巨輪 2》,又爆出偷食同劇演員劉思希,唔理真假,只要稍有風吹草動,已觸動黃翠如的神經,對男友看管得更緊,搬埋同住做管理員外,就算朝見口晚見面,照奪命追魂 call check住行蹤,為免掛萬漏一,她更刻意同蕭正楠的朋友混熟,廣布線眼。

上星期一(十月十二日)晚,蕭正楠約了老友曹永廉及方中信到炮台山 XXL法國餐廳開飯,據了解,這個飯局是男人摸酒杯底吹水,事先大家都沒有預另一半出席,但黃翠如知道後堅持要跟埋去,因為她剛剛拍完《 Do姐去 Shopping》從英國返港,而蕭正楠過兩日又要到澳門拍《巨輪 2》外景,投訴兩人冇乜時間一齊,大條道理!

黃翠如對住蕭正楠好似着晒迷,主動拖完又主動攬,好鬼痴纏。

方中信、蕭正楠同曹永廉一碰面就即刻搭晒膊頭傾密偈,而翠如 BB只好企埋一邊呆等蕭正楠。

主動拖攬

最後,黃翠如得逞,飯局由男人幫變成攜眷活動,方中信帶埋莫可欣,曹永廉就同老婆姜依蘭,三 pair人七點半準時到,三個男人一落車,就搭晒膊頭密斟,飯局中途鄭嘉穎突然加入,不過係單拖,冇陳凱琳份。

一餐飯食了接近五個鐘,離開時,黃翠如突然在人前主動拖住蕭正楠隻手,又詐晒嬌,要同男友攬一攬先肯上車。翠如 BB這個天羅地網,絕對無邊無界。

蕭正楠被朋友邀請影合照,他們都唔預埋黃翠如一齊影。

方中信甚少帶莫可欣一齊出席圈內朋友聚會,但因為蕭正楠要帶埋女友,方中信先帶埋老婆出嚟。

躁男鄭嘉穎中途加入飯局,但佢冇好似其他人一樣帶另一半出席,撇低陳凱琳單拖到。

幾個月前,黃翠如索性搬埋入男友屋企同居,掌握住男友所有動向。

雖然有女友,但蕭正楠耐唔耐就同其他女人傳緋聞,之前就同吳若希,最近就同劉思希。

撰文、攝影、攝錄:娛樂組

鍾意就快D Share啦!