網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年10月29日 星期四

為賺錢乜都撈 黃又南賣生果大閘蟹 [壹週刊 - 1338] 又南,黃又南,M1,



探熱針

為賺錢乜都撈 黃又南賣生果大閘蟹

組合「 Shine」 07年拆夥後,成員之一黃又南轉戰內地,直至 12年在黃偉文演唱會中,「 Shine」再次復合反應好好,同年還有機會在紅館首度開演唱會,黃又南開始在本地回復人氣,拍戲為主的他更由配角變主角。密做賺到卻因要代父還債,冇錢剩!為賺多一蚊得一蚊,據知黃又南半年前開始,與金剛、喬寶寶等人在果欄開檔做生果批發,最近蟹季就連大閘蟹都做埋,任何𢱑銀機會都唔放過!

唔玩車儲錢買樓

去年,以網絡小說改編成電影的《那夜凌晨,我坐上了旺角開往大埔的紅 VAN》,票房口碑都見得人,帶挈有份孭飛的黃又南連接幾套戲,剛上映的《王家欣》,身為男主角的他,更獲加州一個獨立電影節頒發最佳男主角獎,是入行以來第一次。因為代父還債搞到周身街數的黃又南,近年就算搵得到,都唔敢亂 fing。

「老豆條財務數早喺五、六年前又南已經還晒,近呢幾年係還緊錢俾親戚,都清得七七八八,佢好開心,因為就嚟可以還清啲舊債,膊頭輕鬆番。自從孭咗老豆啲債上身,又南開始明白錢係要用得其所,以前佢鍾意玩車換車,而家有錢佢儲嚟買樓。」又南身邊友人說。

每當果欄有特別的水果,又南都會影張相放在果店的 facebook專頁,宣傳一下。

又南除了賣水果,食住時令賣埋大閘蟹,搏命搵錢!

陳敏之愛吃水果,難得好友金剛有份做水果批發,所以亦有抽空現身果欄,支持一下。

《城寨英雄》近期在果欄取景,陳展鵬開工亦不忘到三兄弟果欄撐場。

蝦頭、邵子風與黃建東特別到果欄幫襯,支持又南做老闆。

果欄明星店

只要有錢賺,黃又南再辛苦也沒問題。半年前,他與金剛、喬寶寶等人合作搞了檔「三兄弟果欄」做生果批發,靠圈中人脈,生意做得相當不錯。

「檔生果其實唔只佢哋三個人,仲有個圈外大股東。金剛、喬寶寶喺 TVB雖然唔多嘢做,但勝在多街坊識,大股東就係睇中呢一點,所以俾股份佢兩個一齊做,係小股東亦係代言人;又南嗰份就大份啲,因為佢真金白銀投資,本身亦同個大股東較熟。」知情者說。

力不到不為財,據知黃又南每星期都會抽出時間,親自到油麻地果欄巡檔。「佢哋主要做日本生果批發,夜晚十一點先開,做到朝早十點,又南佢哋多數半夜先會過去,有時啲圈中朋友落嚟揀生果,搞到好似明星店咁,真係幾好生意!」

除了批發生果,近期亦做埋大閘蟹,金剛會親自送貨,好落力。

「生果都有季節性,好似前幾個月啱食貓山王,佢哋就會擺多啲力喺榴槤度,嗰段時間喬寶寶做主力;到呢排啱食大閘蟹,佢哋就做代理,批發去其他鋪頭賣,而家好多 TVB人都搵金剛訂蟹。」

洪天明與老婆周家蔚是金剛賣蟹的第一位客人,得到好友力撐,金剛親自送貨以示感謝。

除了又南與金剛外,喬寶寶都是老闆之一,最近更與金剛為時令大閘蟹影宣傳海報。

電影《王家欣》講述一個關於「尋找」的故事,小品式製作竟令又南及吳千語奪得「美國加州獨立電影節」的「最傑出男、女演員」獎,令二人興奮不已。

搞埋眼鏡手錶

生果批發外,還有其他生意正在籌備中,包括黃又南即將推出的自家品牌眼鏡,還有和萬希泉( Memorigin)合作搞鐘錶。

「眼鏡設計搞咗好耐,係同個朋友合作,年底前就可以推出市面;而萬希泉係香港陀飛輪腕錶品牌,創辦人沈慧林係又南好朋友,對方覺得又南係個充滿正能量嘅人,所以搵佢合作,設計手錶。」知情者說。

今年初,又南參與拍攝 TVB劇集《殭》,與陳山聰、謝安琪等人合作。

12年因黃偉文的演唱會重燃 Shine熱,同年在紅館開個唱, Shine的歌聲勾起不少樂迷的回憶。

徐天佑早前宣布下月八日,同拍拖八年的中學同學 Olive結婚,搶又南閘做老襯。

去年,又南憑《那夜凌晨,我坐上了旺角開往大埔的紅 VAN》人氣回升,獲得不少好評。

捱住等

藝人風光背後,其實累積不少血汗!例如梁家輝, 26歲已經憑《垂簾聽政》成為影帝,但亦因此片被台灣封殺,冇工開,為了搵錢生活,面對逆境的他做小販周街擺檔等運到,多年後解封,才有戲拍搵到錢。

李雨陽

入行十二年的李雨陽,在無綫時一年一騷鮮有演出機會,其後轉到王維基的港視,卻因未獲發牌失去希望。馬死落地行,李雨陽跟朋友投資開檔賣原味雞,在街巿派傳單,又親自送貨。今年中,終於等到一個機會,接拍內地網絡電影做男一。

原子鏸

99年香港小姐亞軍原子鏸,演藝事業毫無起色,以做舞台劇為主的她,五年前開始教鋼管舞和瑜伽。在美國攞過鋼管舞獎的原子鏸,因為身手好,加上母親鄭佩佩搭路,亦偶有機會返內地拍戲做節目,早前便和楊千嬅、丁子高一同參與真人騷《極速前進》。

撰文、攝影、攝錄:娛樂組

鍾意就快D Share啦!