掃呢頁CODE去手機

2015年10月29日 星期四

廖碧兒搵老豆做咕喱 [壹週刊 - 1338] 廖碧兒,M1,



同老豆企响文華置地入面等司機車到,廖碧兒身邊有四個紙袋,大豐收!

同你吟一吟

廖碧兒搵老豆做咕喱

講金唔講心嘅廖碧兒,幾年前已經唔聽無綫支笛,出走返大陸拍劇,今年又同《超人》男主角 Brandon Routh合作拍咗部西片《 Lost in the Pacific》,賺完人仔搵美金,跟住早排再飛咗去新加坡三個月,拍咗個 30集嘅英語劇《 Lion Moms》,袋埋坡幣。

喺外面搵埋搵埋咁多外幣,返到香港,放手買買買。有晚《壹》仔喺中環文華置地見到廖碧兒同老豆,戙咗喺 lobby等司機車,身邊仲有四大袋嘢。其間廖碧兒老豆好心急咁走出外面望,見架車就快埋到嚟,又雞咁腳返入去攞晒幾大袋出嚟放上車;如果唔知佢係廖碧兒老豆,真係會以為係送貨!

至於廖碧兒,全程公主,優雅企定喺 lobby篤手機囉!世上何止有媽媽好,爸爸仲好呀!

廖碧兒老豆好心急,走出外面望住等,一見到司機差唔多到,即刻撲返入去,自己拎咗四大袋嘢出嚟準備放上車。

老豆騰來騰去,廖碧兒全程高貴,搞掂晒先慢慢上車。

去新加坡拍劇《 Lion Moms》(右圖)前,廖碧兒先飛馬來西亞,同《超人》男主角 Brandon Routh合作拍西片。

撰文:八珍

鍾意就快D Share啦!