掃呢頁CODE去手機

2015年10月22日 星期四

龔慈恩 15歲女 翻唱《長腿叔叔》 [壹週刊 - 1337]龔慈恩,M1,



日本動畫公司來港搞 40周年紀念活動, Ashley能被睇中與唐韋琪翻唱經典卡通《長腿叔叔》嘅兒歌《夢中天使》,機會難得。活動將於 11月會於荃灣愉景新城舉行,屆時更會開金口現場演出。

娛樂偵訊

龔慈恩 15歲女 翻唱《長腿叔叔》

「長腿叔叔你好嗎,交出溫馨的心是你嗎?」兒歌《夢中天使》是不少人經典回憶,甚至帶挈原唱的唐韋琪,可以食老本開個唱。事隔二十三年,這首經典兒歌獲日本動畫公司重推,由唐韋琪夥拍龔慈恩大女林愷鈴( Ashley)互 jam。在前輩面前,十五歲的 Ashley,大玩「 acappella」(無伴奏純人聲),表現八級音樂底子的功力。

無伴奏口技

只有十五歲,生得高的龔慈恩囡囡除了被稱「翻版吳佩慈」外,考獲八級聲樂資格的她,仲有把靚聲,因而被日本動畫公司睇中,為公司四十周年紀念慶祝活動,重推經典卡通《長腿叔叔》主題曲《夢中天使》,與原唱唐韋琪合作較技。為求突破,食腦的 Ashley拉埋六位志同道合的同學,以在外國極流行的「 acappella」(即在沒有樂器,純人聲伴奏),重編歌曲。

龔慈恩是慈母,囡囡 Ashley首次入錄音室,她十分支持:「佢哋呢個年紀梗係興趣行先,好開心見佢學到好多嘢,可以同最 friend嘅同學一齊創作。」

唐韋琪悉心跟後輩溝通錄歌的秘訣, Ashley與她的同學聽得入神。

電話自拍 MV

日前, Ashley在媽咪龔慈恩陪同下,與唐韋琪同到位於觀塘的 studio錄歌。

未開始錄音,龔慈恩先向工作人員了解程序,又提住囡囡:「唔好寒背呀!」並郁手替她整理衣服,緊張程度,更勝 Ashley。

初試啼聲,十五歲的 Ashley全無怯場。

「第一次入錄音室好新鮮,吸收咗唔少嘢,監製教咗我好多。平時我哋玩音樂係去佢屋企(指着身旁女同學) jam嘅,嘈到呢,哈哈……佢屋企乜都有,鋼琴、結他、大小提琴都有齊,佢仲係我結他老師,好勁。上次仲彈爛咗佢個鋼琴,哈……」

對音樂百分百投入的 Ashley,早前與幾個同學創作了一首新歌《 Sometimes In The Night》,仲拍埋 MV。

「冇資源㗎!就咁喺屋企樓下公園,用手機拍嘅!」 Ashley說。

為證明自己對音樂嘅熱誠,早前 Ashley聯同幾位好友到海怡半島寓所樓下拍 MV,首歌《 Sometimes In The Night》亦是友儕間自己寫的。

不急於做歌手

正式錄音時,前輩唐韋琪不時提點有關高低音問題,對於 Ashley的表現,她有讚冇彈。

「之前 Ashley同啲

同學錄咗個 demo俾我,冇音樂嘅!好新鮮,佢哋好有朝氣,我相信如果做 live一定更可觀。講真,要改編一首咁多人識嘅歌,突破要好大,我覺得新一代會接受嘅!」唐韋琪說。

音樂底厚,外形亦容易讓人接受,但 Ashley並不急於出唱片做歌星。

「將來嘅嘢真係未諗,依家嘅心態係有得玩就玩盡先,喺呢段冇乜憂慮嘅日子繼續開心。今次搵埋啲同學一齊做呢個 project,就係想留個 memory俾大家,始終我哋夾咗好多年,唔想好似浪費時間咁,好驚大個咗冇呢啲時間去做呢啲嘢。」

能有一曲紅都非易事,多年來唐韋琪都是靠唱《夢中天使》走埠登台,今年 8月更開埋個唱,老拍檔蓋世寶梗要撐場。

靠一兒歌走天涯的豈止唐韋琪?郭晉安老婆歐倩怡的《問題天天都多》也唱到街知巷聞,就算近年她退出娛圈,偶爾也會「復出」表演此曲。

《烏卒卒》大家又記得嘛!想當年陳松伶姐姐剛入行,這首兒歌 hit到今日仍記憶猶新。

朗誦音樂周身刀

在龔慈恩悉心栽培下, Ashley由幼稚園開始練朗誦,小五就讀聖保羅男女時,已為學校贏得第六十二屆香港學校朗誦節粵語詩詞獨誦優異獎;音樂方面更加厲害,未夠三歲已加入香港兒童合唱團,鋼琴、中小提琴、長笛周身刀,仲要瓣瓣精。

Ashley說:「其實我對 design、寫歌作曲都好有興趣。」在旁的龔慈恩搭嘴:「做媽咪梗想仔女開心,佢依家仲細,完成大學先,將來做咩將來至算,比如話佢做音樂老師,我一樣會開心。」

去年 11月,僅 14歲的 Ashley已處女行天橋,當時她有點緊張。

早前龔慈恩與 Ashley母女檔搵銀,拍白鳳丸廣告,為未來入行做準備。

Ashley在小五時首度參加「第 62屆香港學校朗誦節」,並以作品《春在天涯》奪優異獎,當時她說:「呢首詩講放風箏,媽咪就專登帶我放風箏,等我感受吓個意境。」

Ashley自小受音樂培訓,但她卻謙虛:「成班同學最渣係我,佢哋真係好叻好叻好叻。」

離開溫室

一籮星二代,如果單靠外形和父母光芒食胡,始終會為人詬病,要在娛圈放閃,有才華仲要比一般人下多兩成力,離開溫室,隨時撞到焦頭爛額。

林德信

父親林子祥是公認的唱家班,同樣愛音樂的林德信雖然以歌手身份入行,但因聲線風格冇特別,一直無法放低父親的包袱;直至近年,在電影闖出自己的路,在新片《死開啲啦》做男主角。

竇靖童

承傳了竇唯與王菲的音樂細胞,竇靖童 15歲憑原創歌《 With You》一鳴驚人。早前她到日本參與「 New Sunny音樂會」,處女演出吸引不少粉絲遠道捧場,為入樂壇之路打響頭炮。

徐肇平

作為廚藝高手黃淑儀的兒子,徐肇平亦煮得一手好甜品,更步媽咪後塵出食譜,但他的本事不只限於廚房,音樂、畫畫方面同樣精通,更彈得一手好結他。

撰文、攝影、攝錄:娛樂組

鍾意就快D Share啦!