網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年10月15日 星期四

劫後重生  27歲嫩妻曝光 [壹週刊 - 1336] M1,



探熱針

劫後重生  27歲嫩妻曝光

去年七月在北京因吸毒及涉嫌嫖妓一度被拘留的港星張耀揚,事後一直潛水。今個月八日,陳敏之創立的曲奇餅店登陸澳門,張耀揚終於現身,更拖埋女友一齊到,俾足面!現場所見,工作人員稱呼對方阿嫂,亦有指二人已低調結婚;曾與蔡一傑傳過攣情的張耀揚,落實轉入直路。

怕高調壞事

近年在澳門搵食的張耀揚,日前孖住拍拖四年的澳門女友,現身陳敏之餅店開幕。由於早知有傳媒在場,張耀揚與「老婆」明顯避忌,「張太」甚至刻意行開,不願被攝入鏡頭。

「雖然已經做咗張耀揚老婆,不過佢哋好低調,加上上次吸毒單嘢,兩公婆都覺得太高調反而壞事,因為阿 Roy仲 keep住有返北京,啲生意同朋友都喺內地,搵食冇辦法!」知情者說。

知道被發現,「張太」走到老公身邊詐嬌。見老婆扁晒嘴,張耀揚出言安慰,唔使五秒,「張太」即刻有番笑容。

刻意分開

張耀揚拖嫩妻賀老友杜芷筠餅店開張,見有傳媒在場,與老婆刻意分開,有避忌。

相差廿五年

據知,「張太」今年只得二十七歲,兩人年齡雖然差一大截,但她對張耀揚十分遷就,也是個跟得夫人。

「好多朋友都話張太個樣有啲似林依晨,平時朋友飯局,佢一定企喺老公隔籬,好少行開。雖然兩個年紀相差廿五年,不過阿 Roy keep得好,睇落唔似五十二歲。陳敏之澳門間加盟店老闆係杜芷筠,阿 Roy帶埋老婆嚟撐場之外,洗米嫂(陳慧玲)都有嚟,成班澳門幫,全部識得!」

澳門攜眷蒲頭!之後張耀揚又單拖趕返香港,出席盛品儒與蔡一鳳的婚宴,被問到吸毒一事,他直認自己很錯。

「對工作一定會有影響,而家未知嚟緊係點樣,但件事(吸毒)自己錯咗好多嘢,希望各大觀眾包容我。(有冇片商搵你復出?) Never say no,如果有啱,會盡快出番嚟發展。」張耀揚說。

去年七月,張耀揚在北京吸毒及涉嫌嫖妓被捕,有關過程被北京電視台直擊報導,以儆效尤。

張耀揚現主力管理金沙城御匾會內盛景(賭廳)。

張耀揚下午在澳門出席好友新店開張,晚上便趕來香港飲好友蔡一鳳的結婚喜宴,連跑兩場的他,露出倦意。

今年 27歲的「張太」是澳門人,樣子甜美的她,有「翻版林依晨」之稱。

變咗澳門幫

○八年,張耀揚拍動作片傷了脊椎,醫生並建議兩、三年內也不可拍動作戲,自此,他在朋友介紹下轉到澳門搵食。

「阿 Roy嗰陣傷咗脊椎同盆骨,手停口停,但始終要搵食,有朋友叫佢去澳門嗰邊試吓,嗰時賭業又蓬勃,加上佢都幾醒目,好快金沙城御匾會就俾咗盛景(賭廳)佢睇,喺澳門打躉咁耐,阿 Roy而家同嗰邊啲人都好熟,好似盛品儒太太蔡一鳳,同佢都好 friend。」有知情者說。

自從 08年因拍太多動作片而令腰部勞損後,張耀揚便淡出幕前,轉往澳門工作,中、港、澳三地幾邊走。

去年 5月,台灣歌手王若琳推出專輯《午夜劇院》,邀請張耀揚擔任碟中三部曲的男主角。

06年開始傳出張耀揚與蔡一傑有攣情,二人多次被拍得互訪對方住所或撐枱腳,關係撲朔迷離。

大隻男張耀揚入行三十年,拍了約九十部電影,最令人印象深刻的是《古惑仔》系列中「烏鴉」一角。

陳雅倫與張耀揚多次合作電影,去年 Ellen生日,張耀揚亦有出席她的派對。

還原

身形魁梧的張耀揚, 85年出道已注定做猛男,港片的黑幫反派,幾乎是不二之選。 96年,與台灣名模艾永玲公開戀情,拍拖三年後分手;有指他因為失戀意志消沉,長時間自閉家中。直至 02年,張耀揚開始經常被發現與壯男同遊夜店,之後更與草蜢成員蔡一傑傳出斷背情,二人關係維持六年之久。

直變攣,攣變直! 11年張耀揚被指在北京攬女,去年北京涉毒案後,更爆出有個澳門女友,張耀揚還原歸位!

撰文、攝影、攝錄:娛樂組

鍾意就快D Share啦!