網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年10月9日 星期五

33C凸肚JC孖男友搵快錢 開胸暴脹 JC,Jessica C,



【短片】【拍拖一年即搞出人命?】33C凸肚JC孖男友搵快錢 開胸暴脹

2015-10-09 18:30:00



其他影片:>>






【拍拖一年即搞出人命?】33C凸肚JC孖男友搵快錢 開胸暴脹

2013年,安志杰同謝婷婷分手,婷婷仲尋尋覓覓搵緊真命天子,同富二代戴尚安火速撻著又告分手;反而安志杰就於2014年初因為拍電影《屍城》與Jessica.C撻著,兩個仲成日高調晒恩愛,不時喺IG貼合照,又會喺公開場合大讚安志杰,又話要喺45歲之前結婚。

現年27歲嘅JC於8月尾出騷時,距離最遲結婚嘅年紀都仲有一段時間,不過佢就講過話等男友可以有多啲時間籌備一個簡單優雅嘅婚禮,又話同男友安志杰一齊每日都係「情人節」。但JC今日同安志杰一齊到海運大廈出席活動時候,咦……

因為活動舉行之前,已有傳聞話JC有咗,所以大家都將焦點擺喺佢個肚仔上面喇。活動甫開始,安志杰已經拖實JC出場,身穿超超超低胸裝嘅佢,33C警鐘非常驕人,狀甚風騷,小腹亦明顯隆起,腰圍亦粗了不少。安志杰全程雙眼離不開女友,十指緊扣,又俾女方挨住,呵護備至,成個活動似係兩人預演婚禮,多過似係醫學美容集團宣傳。

不過未知安志杰是否心情太緊張定太熱,成面都係汗,JC就好體貼咁幫佢抹汗。

兩人喺台上分享時就話,JC早前去咗大陸開工,安志杰都有北上陪佢。司儀又問安志杰覺得女友哪部份最完美,佢就話女友係完美,JC即大讚男友係一個有豐富安全感、健碩而甜美嘅男士,又話佢值得相信而且可靠。但係安志杰如果真係要做爸爸的話,就真係要train下,因為佢抱起台上一位小朋友時,手勢完全係錯晒;兩口子本來要餵小朋友食年糕,點知小朋友就勁喊,最後仲落埋台。

做訪問時,大家即連聲恭喜安志杰,咁安志杰當然係扮傻啦。問佢之前特登去大陸照顧女友,是否因為對方「唔舒服」(有咗)呢?安志杰就話:「我好掛住佢,想上去陪佢,上咗去一個月左右,全程都喺佢身邊照顧佢。」記者即笑指係咪呢一個月努力造人?佢就笑而不語。



個肚凸凸地喎。



(攝影:卓寶花、仇志德、卓振輝)





拖到實出場。





鍾意就快D Share啦!