網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年10月29日 星期四

張兆輝搶救  50歲邵美琪回春晒事業線 [壹週刊 - 1338] 張兆輝,邵美琪,M1,



回春的她,明顯比年初容光煥發,塊面瘦番晒,加埋一副好身材,半百之齡仍屬索中女。

娛樂偵訊

張兆輝搶救  50歲邵美琪回春晒事業線

情路崎嶇的邵美琪,今年初狠撇拍拖六年的施祖男後,年屆五十,唔保養又冇愛情滋養的她,出現失修危機。唔想一鋪清,老友張兆輝出手打救,重整陣營。

成功中女大翻身,回春邵美琪晒 34C,重新上市。

失戀後殘爆

一度在施祖男身上落重注的邵美琪,今年初忍痛斬斷姊弟戀。半百再歷失戀,冇晒戰鬥力的邵美琪,全面投降放軟手腳。埋位拍《張保仔》和新劇《刀下留人》時,更加變咗成個方包咁,走 晒樣!

有投資美容生意的老友張兆輝睇唔過眼,決定出手!往績好,可以令中女黃𨥈瑩、江美儀 keep住剝殼雞蛋樣的他,經過大半年的「搶救」,終令殘爆的邵美琪回復大勇。重拾自信,邵美琪要投桃報李,拍住恩人做代言,更出動低胸戰衣露罕見 34C,賣大包!

半年前

今年三月邵美琪拍《刀下留人》時,塊面腫到方包一樣,美人走晒樣。

張兆輝幫拖執番靚,邵美琪拍美容廣告時心情大靚。

邵美琪成功翻身,為隆重其事,張兆輝出動他自家珠寶店的鎮店之寶給她襯衫,還親自為她戴上。不過唔慣幫人戴首飾的張兆輝,有點雞手鴨腳。

呢套白玉石加翡翠,價值千萬。

見邵美琪回復自信騷性感,張兆輝充當埋攝影師,為她私影。

邵美琪與細她十年的施祖男拍拖六年,照顧晒男方的衣食住行,年初決定斬纜離開軟飯王,有傳不少好友都拍爛手掌。

剛播完的台慶劇《張保仔》,邵美琪一副殘樣上陣。

千萬珠寶護身

拍廣告當日,邵美琪唔再 cool爆,明顯心情大靚;張兆輝為求將「得意傑作」搞到盡善盡美,更動用自家珠寶店一套價值千萬的翡翠,進一步加強邵美琪的戰鬥力。

成功翻新邵美琪,張兆輝好有滿足感。

「 Maggie(邵美琪)原本就係個大美人,靚女!我有信心,喺我手上令佢更加靚。」

甩拖後,有身邊朋友都急住為邵美琪介紹對象,但她說:「遇唔啱心水!我比較鍾意陽光氣息嘅男仔,希望早日遇上真命天子。」

做得邵美琪救星,張兆輝一樣狀態大勇。一換衫,發現 52歲的他修晒身,零肥腩。「呢兩年多得我老婆監督住,日日跑步做運動,晚餐食得又少又清,瘦咗十零磅。」張太佔最大功勞。

對比兩年前他孖江美儀拍廣告,現在的張兆輝真係再瘦一圈,樣貌逆齡。

兩年前

張太助夫搶救邵美琪,無非都係想她早日找到 Mr.Right。

逆齡中佬

唔願多講感情事的邵美琪,更交波俾身旁的張兆輝。

「作為朋友,都希望佢搵到個愛佢嘅男人, Maggie實在係個好純嘅女仔。多咗人追就唔使懷疑,但緣分嘅嘢唔使心急嘅,只要人靚咗有自信,心情開朗,緣分自然會嚟。」張兆輝說。

做得中女救星,張兆輝當然是生招牌。拍攝當日,五十二歲的他身上零肥膏,對比兩年前同江美儀拍廣告時更 fit,連邵美琪都讚他後生過以前,好啱使!

堅索

女人四十爛茶渣呢句說話已不合時宜!現在仍有不少天然中女 keep得又靚又弗,比好多鍾意修葺的後生女更索!有姿色就有希望,型男、富商照排隊!

55歲鍾楚紅

年過半百的紅姑,仍是不少男士心目中的女神。又 fit又自信,飛釘搞到網民一地鼻血的她,早前先後被拍到與多名型男約會,不愁 寂寞。

46歲張可頤

11年同圈外男友曾安邦分手後,獨來獨往多年。今年初同年輕八歲的法國籍混血設計師撻着,姊弟戀有信心照去馬,全因外形同十八年前參加港姐差別不大,近日歐遊晒泳照, fit爆!

45歲張慧儀

收埋 34C八年的張慧儀,最近為美容院做代言人再騷噴血身材,震撼!依然戰鬥格的她,同做物流的富商陳偉軍發展神速,上岸有望。

撰文、攝影、攝錄:娛樂組

鍾意就快D Share啦!