掃呢頁CODE去手機

2015年10月6日 星期二

灌醉80億太子爺莊家彬 人肉生擒碌梳化 莊家彬,



最近因為同來自上海嘅女友程新惠一行六人喺米蘭book五星酒店鬧出不愉快事件、更直指遭酒店職員歧視佢係中國人嘅80億太子爺、莊士集團闊少莊家彬,又成為新聞人物。不過今次唔關中國人或者傅明憲事,而係關去滾嘅事——席上冇程新惠份,但就有Mango王秀琳——係咪好奇怪呢?又關呢個進擊的芒果事嘅?

話莊家彬去滾,係真係去「滾」嗰隻——打邊爐。莊家彬自認因為要開會而未能陪女友繼續遊米蘭,但日前就俾周刊影到佢同Mango、今屆退選港姐、有巨咪官恩娜之稱嘅Judy一齊去咗山林道一家火鍋店打邊爐。唔止佢哋,席上仲有趙世曾個仔趙式浩、廖創興創辦人廖寶珊個孫廖偉麟等等,齊齊入咗VIP房慢慢食。

已有固定女友嘅莊家彬,未知是否飲大兩杯,定係Judy同進擊的Mango攻勢太勁,令莊家彬亦感難以招架,一個人被分為兩邊,一邊俾Mango夾硬用莊隻手攬住自己,另一邊就俾Judy夾硬用莊隻手攬住自己,真係見到咁樣樣都想幫莊家彬「突圍而出」呀。

飲到咁上下,Mango繼續進擊,報道指佢儼如女主人咁,一陣又話食片皮鴨,一陣又話食企鵝雞,仲問:「Albert(莊之洋名),食埋炸魚蛋得唔得呀?」其實啲菜都未上,進擊的Mango已經捉住佢係咁猜枚劈酒,就係咁話咁快已經令莊家彬進入狀態(空肚飲酒喎大佬……),進擊的Mango一邊攬住已見醉意嘅莊家彬,一邊唱K共舞,可憐嘅莊家彬完全無法推開女方,相中只見莊家彬同進擊的Mango碌咗喺梳化……跟住就……唉,相信任何人見到莊家彬咁嘅情景,都會好想幫佢一把吧。

「愛國愛港」莊家彬 Mango已經放棄咗嘅微博 五月近照
記唔記得佢?佢就係今年拎住個巴黎世家參選港姐,最後退選嘅Judy。 程新惠依家話唔定仲喺米蘭。
鍾意就快D Share啦!