台灣女模葉宛承曾拍過唔少平面廣告，亦做MV女主角等，不過，佢早前拍咗一張廣告相，就令佢誤變成「整容女」!
據知，早前網路流傳出一張廣告相，講一對「男帥女美」嘅夫婦，生咗三個小朋友都其貌不揚，令人聯想到呢個廣告係暗示間診所嘅整容技術有幾高明，相中嘅「美麗媽媽」，就係藝人郭雪芙嘅師姐葉宛承。
葉宛承仲因為呢張相，搞到佢陷入3年嘅「噩夢」，據今日出版嘅台灣《周刊王》報道，女模葉宛承多年前以9千元台幣，即係約2,200元港幣酬勞，影咗呢輯相，當時冇諗過係整形診所拎嚟做廣告，唔止搞到葉宛承被誤認係「整容女」，仲被連結去一啲假新聞，流傳至全球各地，造成「網路霸凌」，甚至之後葉宛承去日本發展嗰陣，被日本經理人認為佢形象有爭議，錯失咗拍攝全國播放嘅電視廣告之機會，估計佢損失3、4百萬元台幣(約70至94萬元港幣)。
依家葉宛承不時台日兩邊走，大部份時間都係留喺日本，間唔中喺fb貼下靚相，但大多數都係旅遊相，生活都好似幾寫意咁喎，但工作相就真係唔多，唔通呢張「全家幅」威力真係勁到咁？
|
鍾意就快D Share啦！
|
|
|