| 方東昇因為主持旅遊節目嘅風格爆紅，喂！真係同洪永城（右下）有得鬥喎！ | next 1/1 pre |
 | |
| 萬事俱備，只欠試味！唔通佢係第二個黃子華？ | next 1/1 pre |
 | |
| 簡而精講出重點… | next 1/1 pre |
 | |
| 個樣一本正經，真係估唔到原來咁好笑！ | next 1/1 pre |
 | |
| 講出咗好多人嘅想法… | next 1/1 pre |
 | |
| 你個樣…好狡猾吓喎！ | next 1/1 pre |
 | |
| 又有金句…「工欲善其事，不要發脾氣」呢個Pose好有報道新聞嘅影子… | next 1/1 pre |
 | |
| 你認真講笑個樣，都真係好好笑！ | next 1/1 pre |
 | |
| 方東昇會唔會成為新一代男神？ | next 1/1 pre |
 | |
| 其實佢上年已經主持過第一輯《世界零距離》！ | next 1/1 pre |
 | |
| 佢嗰陣都跌過架… | next 1/1 pre |
 | |
| 你係得嘅！ | next 1/1 pre |
 | |
| 洪永城，你有對手喇！ | next 1/1 pre |
無綫不但好戲連環，連製作綜藝節目都誠意可嘉。近日再推出節目《世界零距離 II》，當然唔少得喺2014年第一輯《世界零距離》已經擔正大旗嘅無綫主播方東昇講開又講，其實方東昇上年喺《世》中感覺已經好新鮮，絕對唔比一眾旅遊節目主持輸蝕。而今年，佢又再返嚟喇！
方東昇報新聞時一向畀人感覺端莊正經，但原來搞起Gag上嚟都幾搞笑，佢憑《世II》仲成為網民至Like嘅主持之一！網民同時聯想起2012年同樣大受好評，並由洪永城主持嘅節目《走過烽火大地》。《走》賣點係深入戰火瀰漫嘅中東地區，洪永城就以輕鬆生動手法主持節目，當時都有唔少網民大讚佢嘅主持風格吸引！搞到網民都要比較方東昇同洪永城，究竟邊個勁啲呢？
方東昇金句一籮籮
一向報新聞時都金句連連嘅方東昇，以前就爆出過唔少精警句子如：「夏天要排隊，最緊要帶水。」、「為食豬，曳曳豬，懶瞓豬，豬界代表還有牠，傻豬」而喺《世II》中，方東昇一如以往，爆金句爆上癮，例如：「You Jump， I Jump，一往情深！」、「成個老襯，士氣大振！」同子華神有得揮o添呀！除咗搞笑，佢仲鍾意無意間滲啲發人深省嘅道理，好似「工欲善其事，不要發脾氣」咁！網民仲發現佢鍾意引用廣東歌歌詞如「明明綠燈轉眼變成紅燈」（鄭融《紅綠燈》）、「來回地獄又折返人間」（容祖兒《心淡》），認真支持本地樂壇！
洪永城夠親切
至於洪永城由主持一職做埋演員，近日仲為劇集《張保仔》擔正男主角。當時佢為無綫主持嘅首部節目《走》可謂成名作。節目由黎巴嫩拍到去敍利亞，深入戰地。洪永城嗰陣都有金句架，就係「好危險！」自此，呢三隻字仲成為佢其中一個Icon。加上單眼皮細眼嘅佢，畀人一種親切感覺，獲女網民封為另類「男神」！之後洪永城仲主持過唔少旅遊節目如《走過浮華大地》、《在那遙遠的地方》等。洪永城就主持開旅遊節目呀，不過方東昇就由「報道新聞」跳入「主持旅遊節目」，仲得到網民愛戴，其實佢哋可以唔使Battle，嗱嗱聲食住個勢合體一齊主持
網民有話兒：
gXXXyij：好好睇，晚晚追，方東昇好搞笑！
raiXXXnsc：之前見佢做新聞主播好似都幾木獨、古縮（肅），但佢參予（與）《世界零距離》演出，原來咁funny同cute，真係有D（啲）surprise！
TOTOXXX：東昇又斯文又搞笑！
JFFFXXX：洪永城嗰時都好好睇架
ofxxx：洪永城做主持好過做戲！
「東網巨星」fb專頁：
每日Keep住推介最「精」最「趣」娛聞，只需數分鐘，即可化身娛樂通，茶餘飯後唔驚冇話題。想加入熱議最hit最爆娛聞行列？呢個專頁真係不Like不可。
http://www.facebook.com/onccstars
|
鍾意就快D Share啦！
|
|
|