掃呢頁CODE去手機

2015年10月23日 星期五

諸葛紫岐秘見律師婚姻凍過水 諸葛,諸葛紫岐



諸葛同薛嘉麟已經去到冇偈傾同分房瞓嘅地步,諸葛近日仲除低婚戒秘見律師,睇嚟佢哋嘅婚姻都真係危危乎。

next 1/1 pre

突然現身律師行臨立嘅中建大廈,諸葛未有回應是否準備簽字離婚的問題。

next 1/1 pre

心急的諸葛等電梯時顯得一臉不耐煩。

next 1/1 pre

三小時後離開,諸葛繼續未有回應記者提問,只回了一句:「有心。」

next 1/1 pre

諸葛曾一度抱子離開香港接近一個半月。

next 1/1 pre

諸葛與薛嘉麟日前趁假期「合體」陪兒子玩樂。

next 1/1 pre

相愛六年諸葛與薛嘉麟於2012年結為夫婦。

next 1/1 pre

早年諸葛曾默認小產,更表示感謝薛嘉麟在旁一直支持。

next 1/1 pre

二人因工作繁忙聚少離多而不斷產生分歧。

next 1/1 pre

月初諸葛曾在微博晒長腿之餘還發放有玄機的留言「不是每個人都會在原地等你。」

next 1/1 pre

諸葛雖然一向FIT爆,不過身形尚算有肉地。

next 1/1 pre

不過自從工作及家庭事一齊爆發,諸葛的身形暴瘦至見骨。

next 1/1 pre

名媛諸葛紫岐與Neway太子爺薛嘉麟結婚三年,近日傳出婚姻「見紅」,最新一期《好報》拍得諸葛除下婚戒、單拖現身中環的律師樓並逗留三小時!上周三(十四日)下午接近一時,架着黑超兼披着外套的諸葛行色匆匆的出現位於中環中建大廈,等電梯期間更不停的按手機,神色凝重。由於該址有不少律師樓,當問諸葛到律師樓所為何事、婚姻關係如何,甚至是否到律師樓簽字離婚時,諸葛未有正面回應問題,只是氣若游絲的說了一句:「有心!」其後更匆匆入電梯並向記者揮揮手。現場所見她未有戴婚戒,只在左手食指戴了一隻戒指,據知諸葛在上址的律師樓逗留了約三個小時才離開。

諸葛與薛嘉麟由拍拖到結婚,人前人後都是出名恩愛,惟近日兩人關係起了變化,諸葛突然暴瘦及自爆有抑鬱症,又不時在微博吐苦水,話有玄機,婚姻「見紅」的傳聞不脛而走。向來護夫心切的諸葛一反常態,未有正面否認婚變傳聞,就連薛嘉麟亦罕有地在微博以「涼風刺骨」留言,更轉發名為「婚姻是什麼」的文章,內容指現代女性愈來愈獨立,不似以前般甘心在家當小家碧玉或家庭主婦!

據諸葛的閨中密友爆料指,諸葛和薛嘉麟的確處於冷戰期,尤其近數個月來兩人愈趨不合:「佢哋兩公婆如果傾唔埋欄嘅話,都唔會大吵大鬧,頂多是但一個行開吓當抖吓氣。」由於兩夫婦各有事業,常為工作而四處飛,真正相聚的時間少之又少,該密友說:「雖然而家通訊好方便,但係佢哋兩公婆就算分隔兩地,都唔會每日通吓電話或whatsapp,基本上冇特別事,都唔會搵大家。有次諸葛直情帶埋個仔同埋工人返大陸做嘢,一去就去咗成個半月!就算兩公婆喺香港,大家返屋企都會分房瞓,佢老公直情瞓梳化。」

另一個導致兩人冷戰的原因,就是下月兩歲生日的兒子薛華韜。同樣視兒子為寶貝的諸葛及薛嘉麟,因管教兒子的方式各有想法而出現分歧。據知薛嘉麟對兒子的管教尤如軍訓般嚴厲,認為兒子自小就要培養謹言慎行及有禮的觀念,所以兒子的一言一行都睇到實,更常以命令式對待,令諸葛相當反感。據好友透露:「諸葛成日都同我哋班姊妹呻,話自己做嘢要飛來飛去,話晒係成間公司嘅領導,所以決定都會影響大局,所以從來唔敢掉以輕心,咩都親力親為。雖然忙到咁,但係照顧個仔嘅責任,都只係放喺佢身上。」

兩夫婦最難達成共識的,是薛嘉麟近年開始埋怨諸葛專注為事業搏殺,跟之前支持太太開設娛樂公司的態度截然不同,好友說:「大家都覺得當初諸葛話搞娛樂公司,佢老公係非常支持,平時佢咁少玩微博,都有親自留言話要大家多多支持老婆間公司。依家佢反而話諸葛唔幫手睇住頭家,又唔理個屋企!其實諸葛嘅諗法,係女人就算結咗婚,都可以有自己嘅事業,一係唔做,要做就要做到最好,唔係嫁咗就叠埋心水等老公養就算!」

諸葛接受本報電話訪問,被問到跟丈夫的關係是否處於冷戰期,本來多次說不想回應的她,聽到這問題即禁不住冷笑一聲,她說:「佢都話涼風刺骨,我哋冇戰,但真係好冷。(你上律師樓做咩?)現階段唔想講太多,將來點發展,再向大家交待。(聽聞你哋兩個好少見面?)大家係各有各忙,大家都要飛去做嘢,根本係好少見。(咁少見點聯絡?)冇咩事唔需要聯絡,唔想好似成日check住咁。(聯絡吓如報平安都冇?)我認為唔需要。」問到據知兩夫婦近月愈見意見不合,諸葛沉默了一會,只說:「唉!做夫妻總會有,唔想講咩原因。」連月來明顯可見諸葛愈來愈瘦並瘦至見骨,諸葛直言健康冇問題,「醫生都話我瘦,反問我係咪唔食嘢,其實我係食好多嘢!醫生話如果係咁,叮囑我更加要小心,因為食咁多都唔長肉。我自覺健康ok,冇話特別唔舒服,或者遲啲冇咁忙時,會考慮吓做body check。」

鍾意就快D Share啦!