掃呢頁CODE去手機

2015年10月13日 星期二

大露背蔚雨芯:我成身瘀晒呀! 蔚雨芯,





其他影片:>>






藝人蔚雨芯(Rainky),早幾日出席美容院開幕活動,今次佢收起「魔鬼胸」,轉以露背Look現身,咁密實嘅原因,可能因為佢排練舞台劇《消失的女孩》,排到周身傷呀!

呢套舞台劇係鬼故嚟架喎,驚鬼嘅Rainky咪拍得好辛苦?Rainky話:「係呀,好辛苦!我今日先發覺我隻腳撞瘀咗,好大撻!同埋因為我嘅角色好down,令我經常要喺一個好唔開心嘅狀態,經常要喊,隻眼都出現好多紅筋,仲搞到有朋友問我咩事。」

咁現實之中,Rainky有冇撞過鬼呢?佢就話冇,但有一個招惹「鬼神」嘅經歷:「譬如我背脊有個印,問咗師父,佢話係一對眼,話我喺廟裡亂拜神,拜咗『黑面神』,不過佢只係同我玩吓,冇出嚟嚇我。我未遇過任何鬼,但你問我想不想遇到,我不想,今次舞台劇,你可以令我感覺到,但唔好俾我見到就得架喇!」呢套舞台劇,揀咗喺出名猛鬼嘅牛池灣演出,希望Rainky今次咩事都冇
鍾意就快D Share啦!