網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年10月24日 星期六

粉碎鄭俊弘主角夢 苑瓊丹子新劇照拍 鄭俊弘,苑瓊丹,





其他影片:>>






今次創作部大地震,唔少劇集創作當然受到影響,日前有報道話鄭則仕同回巢嘅苑瓊丹子孭飛嘅新劇被叫停,但本報收到風,鄭則仕部劇會照開,但鄭俊弘擔正做男主角嘅新劇《TV Buddy》就胎死腹中。

據了解,呢部由關永忠監製嘅新劇,原本下個月中開拍,雖然鄭俊弘係依家無綫重臣杜之克——嘅戰友余詠珊嘅愛將,但杜之克上場之後一樣冇面俾,佢睇過劇本之後,覺得無論卡士同劇本都唔掂,與其拍咗播出街俾人插,不如索性唔拍,所以落柯打叫停,令到鄭俊弘男主角夢醉。

向鄭俊弘求證,佢「啊!」咗一聲,然後話:「我都唔清楚呀呢啲!我都唔方便接受你哋訪問呀,唔好意思!」至於朱鏡祺今日承認返咗TVB,但其他嘢佢就話唔方便多講喇。

鄭俊弘新劇叫停,佢原來部劇hold咗個廠期,亦惟有丟空,對數十年嚟廠期咁緊密嘅大台嚟講,真係史無前例。不過,據聞杜之克叫監製林志華提早開郭晉安同萬綺雯主演嘅新劇,盡量接番之前丟空個廠,希望廠期唔好嘥咁多。

(資料圖片) 杜之克上場之後,一樣唔畀面余詠珊愛將鄭俊弘。(資料圖片) (資料圖片)
鄭則仕同回巢嘅苑瓊丹子孭飛嘅新劇照開。(資料圖片) 向鄭俊弘求證,佢「啊!」咗一聲。(資料圖片) (資料圖片)
鍾意就快D Share啦!