掃呢頁CODE去手機

2015年10月10日 星期六

婚禮爆粗掟咪險開拖 Bob:講咗唔好意思 Bob,林盛斌,



阿Bob話已經講晒唔好意思,仲話自己當晚斷晒片。

next 1/1 pre

事後Bob同林曉峰企埋一邊傾偈。

next 1/1 pre

多位朋友幫手勸開小春。

next 1/1 pre

Bob與小春在台上,眾人將兩人分開。

next 1/1 pre

事後Bob滿身酒氣咁離開。

next 1/1 pre

仲同梁烈唯搭晒膊頭咁。

next 1/1 pre

肉緊咀嘴。

next 1/1 pre

錢國偉對滿身酒氣的Bob說:「冇事,兄弟嚟。」

next 1/1 pre

錢國偉事後話呢啲只係氣氛嚟嘅啫。

next 1/1 pre

導演錢國偉(Wilson)前晚於洲際酒店筵開五十多席迎娶拍拖多年的藝人女友陳宛蔚,出席賓客有「古惑仔」鄭伊健、錢嘉樂、林海峰、陳小春、謝天華、佘詩曼、梁漢文、蘇永康及曾志偉等。

全晚「亮點」則落在醉貓Bob及小春身上,婚宴開席不久,台上成為「古惑仔」舞台,眾人化身「咪霸」狂唱情歌,飲大兩杯的Bob突然衝上台「搞搞震」,期間疑有人爆粗辣㷫小春即場掟咪,並氣沖沖似找「晦氣」,伊健、洪天明及黎諾懿等人即捉住對方,並拉對方落台及入房,而Bob亦被多人隔開。

攬住唯唯三激咀

由於事出突然,令全場人目瞪口呆,身為兄弟的林曉峰、梁漢文及蘇永康輪住唱搞氣氛,散席時多位賓客對「掟咪事件」封嘴,身為主角的錢國偉埋單後大方受訪強調「冇事」:「小事,嗰啲叫氣氛,之後會搵佢哋一齊食飯。」此時,滿身酒氣的Bob由梁烈唯扶住走,並與錢國偉攬埋一舊,錢在Bob耳邊說:「冇事,兄弟嚟。」接住Bob邊行邊接受訪問,多度強調「冇事」,並表示:「阿春係我偶像,我點會畀人鬧。(現場有人爆粗?)我畀人問候?梗係冇啦。(你需唔需要同小春道歉?)冇,兄弟嚟。」期間三度與梁烈唯咀嘴,而小春則由後門離開。

小春昨日接受訪問時說:「當晚已經即時解決,冇晒問題,多謝關心,Bob喺台上向所有人道歉,亦都有同Wilson講唔好意思,因為所有兄弟都係嚟撐佢。」梁烈唯則說:「大家過敏啫。」

斷晒片表示後悔

知錯的Bob昨日在微博發文表示後悔,揚言會好好控制自己,不會輸給杯中物,他亦在電話中說:「唔好意思,斷晒片,今朝Whatsapp狂響,睇即時新聞先知,同唯唯咀完全冇印象,點返到屋企都唔知。」他坦言今次是一個好好教訓,以後會控制,還說:「臨走前同小春講咗聲唔好意思,要向陳小春夫婦鄭重道歉,希望佢哋見諒。」

而錢國偉昨日已上深圳為古巨基今晚開騷籌備,他表示兩位主角已打了電話致歉,他說:「大家都係兄弟、朋友,好小事啫,朋友都會間中鬧吓、發吓牢騷,飲大咗啫,遲啲搵佢哋一齊食飯。」

「東網巨星」fb專頁:

以抵死角度,分析各大娛樂新聞,加埋識睇一定要睇嘅網民妙論,包保享盡「Fun」秒,快啲入嚟畀Like啦。

http://www.facebook.com/onccstars

鍾意就快D Share啦!