網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年10月7日 星期三

狼人變海盜 曉治積曼惡鬥小飛俠 [FACE - 437 - 外地娛樂] 小飛俠,林燕玲,MF,



《小飛俠–魔幻始源》雖然由里維米勒飾演的小飛俠先係主角,但拍住巨星曉治積曼即被搶晒鏡,今次曉治仲自己設計奸角黑鬍子的形象,點會唔成為焦點?

西區

狼人變海盜 曉治積曼惡鬥小飛俠

大家對 Peter Pan小飛俠呢個名一定唔會陌生,呢個家傳戶曉的經典故事,多年來無論電視劇同電影不斷翻拍又翻拍,最新版本就有本週四香港上畫的《小飛俠–魔幻始源》( Pan)。

今次《小飛俠–魔幻始源》由 13歲童星里維米勒( Levi Miller)孭飛演出,不過最搶鏡始終係飾演奸角黑鬍子海盜的曉治積曼( Hugh Jackman)。曉治今次由 Marvel大英雄狼人化身海盜,奸到出汁。早前曉治積曼更專程飛來香港宣傳,同港人慶中秋兼且舞火龍,唔知佢有冇靈感拍番套《火龍傳奇》呢?

曉治積曼演開英雄,點解挑戰奸角?

《小飛俠–魔幻始源》內容講住在倫敦孤兒院嘅彼德(里維米勒飾),有晚被拐到去「夢幻島」,他發現當地與他身世有關,於是跟破壞「夢幻島」安寧的海盜黑鬍子(曉治積曼飾)戰鬥,同時尋找自己的過去。

曉治積曼在《變種特攻》系列扮演超級英雄「狼人」,正面形象一早深入民心,但今次在《小飛俠》中卻反傳統演大奸角,早前他在訪問中解釋:「我由細到大已看過唔同版本嘅《小飛俠》,加上我家小朋友亦曾以《小飛俠》參加天才表演,好有親切感。我呢把年紀好難扮小飛俠,所以今次導演祖韋特搵我演奸角海盜黑鬍子,我真係好開心,因每個男仔都曾幻想過做海盜,所以即應承。」

同童星里維米勒合作有乜趣事?

46歲曉治積曼與 12歲飾演小飛俠的里維米勒, 2人正邪對立所以有大量對手戲,曉治講笑話:「唔知點解里維好似好驚我,可能我個樣生得惡,佢每次見到我都尊稱我做 Mr. Jackman。最難忘係我哋拍完煞科戲後,我發現佢偷偷地喊,於是我上前安慰叫佢唔好唔捨得大家,點知佢竟澄清唔係唔捨得大家,而係拍完戲就要返學,佢真係好可愛。」

踩入大坑

上週一曉治積曼除來港宣傳新戲,晚上就趕去大坑與大會主席林建岳一齊出席舞火龍儀式,期間曉治雖被香火的煙熏到「標眼水」,但依然保持笑容,還向「舞火龍」團隊大讚 good job。

上週一( 28日),曉治積曼親身飛來香港踩入時代廣場宣傳新戲《小飛俠–魔幻始源》,期間更戚眉戚眼同小朋友影合照,好入戲!

點解里維米勒會被導演重用?

澳洲出生的萊威米勒, 8歲開始做童星,由 2010年前開始已在澳洲拍過 6部電影。 5歲時曾演《小飛俠》舞台劇得獎的萊威,今次在電影《小飛俠–魔幻始源》的全球招募選拔中,憑演技及正氣樣打低超過 200名對手,最後被選飾演主角小飛俠,據知導演祖韋特十分欣賞他,更大讚他前途無可限量。

只得 13歲的里維米勒,已擔大旗領銜主演大片《小飛俠–魔幻始源》,曉治積曼與導演祖韋特都睇好佢成為明日之星。

曉治和里維都來自澳洲,份外同聲同氣。

《小飛俠–魔幻始源》

上映日期: 10月 8日

撰文:何家文

鍾意就快D Share啦!