掃呢頁CODE去手機

2015年10月24日 星期六

《無雙譜》「特效」似gif檔 小畫家畫㗎?





其他影片:>>






大台台慶劇《無雙譜》搵咗黎耀祥、田蕊妮、岑麗香同黃宗澤等演出,翻拍1981年同名劇,講三個神話故事《易釵》、《陸判》及《追魚》,不過CG差到一個點,就係連強國網民都忍唔住問大台係唔係預算唔多!

今日有大陸傳媒開po話,「TVB電視劇特效遭吐槽」,聲稱有網民喺微博貼出一段《無雙譜》中特效場景,講岑麗香喺黃宗澤面前化身鯉魚精躍出水面,黃宗澤唔單止唔驚,仲展露笑容!仲有嗰個「似足小畫家畫嘅海底」……

CG效果似gif檔?嚇到唔少內地網民心都離一離,喺微博留言問:「沒想到TVB淪落到這地步,我笑了30秒。」又有網民問大台係唔係「預算不夠了嗎」。報道更形容呢套台慶劇特效粗製濫造,其實,唔止《無雙譜》被彈,早前稱特效使咗3000萬嘅神劇《張保仔》亦被網民話CG肉酸酸……慘不忍睹。

雖然話《無雙譜》嘅CG唔好咋,內容都幾充實嘅,連「普選」都敢講,有一幕講黎耀祥、田蕊妮同黃宗澤喺一間客棧傾偈,先講「君主應該由臣民選出」,又話「張兄,你這本書如果落在他人手中,你可能會被殺頭」,即吸引網民問:「原來法國盧梭的社會契約論係源自中國宋朝,真係失覺晒,小弟真係孤流寡聞!」亦有網民讚《無雙譜》當中《陸判》呢個故事,有份演嘅演員都做得好!

(無綫電視圖片) (微博截圖) 不能解釋的CG!(無綫電視圖片)
(無綫電視圖片) (無綫電視圖片) (微博截圖)
整到個人變形,就當喺海底!(無綫電視圖片) (無綫電視圖片) 仲有似小畫家畫嘅海底…(無綫電視圖片)
(無綫電視圖片) 黃宗澤面前化身鯉魚精躍出水面…(無綫電視圖片) 呢隻鯉魚尾…(無綫電視圖片)
強國《西遊記》(2011年倉底貨)…CG已經極度驚嚇,估唔到一山還有一山低。(注意:字幕係網民改圖/心聲) 內容…至少連「普選」都敢講。(無綫電視圖片) 之前播內地版《西遊記》已被笑…(無綫電視圖片)
冇諗過一「山」還有一「山」高。 (無綫電視圖片)
鍾意就快D Share啦!