Heidi@Super Girls攞正牌拍拖 [FACE - 440] Super Girls,李靜儀,Heidi,MF,

有男友陳考威貼身詳盡講解， Heidi喺之後拍攝明顯得心應手。

全知言

Heidi@Super Girls攞正牌拍拖

娛圈中「緋聞」二字好重要，當中有唔少例子，傳傳下變埋情侶，好似鄭嘉穎同陳凱琳呢對父女戀咁囉！

Super Girls成員 Heidi李靜儀同有米唱片監製陳考威傳咗拍拖咁耐，最近陳考威仲孖住環球新人周殷廷聯合執導 SG新歌〈有沒有我？〉 MV， Heidi擔任女主角，兩人終於情侶檔拍住上！

Heidi同片中男友十指緊扣扮偷情，身為緋聞男友嘅陳考威一樣喺片場𥄫到實！

拍攝當日天氣炎熱，一嗌 cut機， Heidi都忍唔住即時除低口罩吸吸新鮮空氣。

十指緊扣呢啲咁張揚嘅拍拖情節，真係要拍 MV先可以見到，事關連 Heidi都話如果拍拖都要揀喺人少嘅地方㗎！

新歌 MV玩地下情，前排 Heidi到中環拍攝一場偷情戲份，扮嘢被傳媒撞破！咁有冇類似經驗先？ Heidi笑晒咁話：「入咗行之後，我冇拍過拖㗎！（同陳考威關係？）好朋友囉！（有機會發展？）冇諗呀！哈哈！（玩地下情？）做嘢時候唔好太親密，私底下去遠啲嘅地方，冇咁多人都唔介意拖下手仔！」咁咪即係地下情囉！

二人緋聞傳咗咁耐，就算試過被本刊影到送埋返屋企， Heidi都堅稱只係好朋友關係喎。

無論工作或私生活， Heidi同陳考威都形影不離。網上圖片

Heidi攬到片中男主角周殷廷實一實，做 MV導演嘅陳考威有冇呷醋呢？

即時報料 facepop

熱線： 9222 0828

電郵：facenews@nextmedia.com

facebook： Face Magazine inbox

line、 we chat id： facemagazine

鍾意就快D Share啦！

下一篇 》