坐享齊人之福嘅澳門賭業猛人兼太陽娛樂揸弗人周焯華（洗米華），除咗要返屋企交人陪正印老婆陳慧玲之外，仲不時可以抽空孖女友Mandy Lieu蜜遊全世界，經常被讀者野生捕獲兩人嘅拍拖行蹤，噚晚讀者陳小姐透過本報「爆相爆片」報料，原來洗米華又飛咗去千里之外嘅倫敦，同Mandy着黑色情侶裝浪漫街頭享受二人世界。
據陳小姐表示，佢喺噚日當地時間下午5時38分，喺倫敦遊客區Piccadilly circus見到洗米華同Mandy，陳小姐話：「佢哋一路蹺住行，好似揀緊餐廳，全程冇理過其他人，就算有華人都冇避忌。」從相片所見，紮馬尾嘅Mandy孭住黑色大背囊，着貼身褲嘅佢雙腿纖幼，蹺實洗米華似足小鳥依人，而洗米華就不時謝賢上身般單手插袋，行得鬼咁有型。
Mandy喺今年5月20日在倫敦為洗米華誕下「小米女」，比洗米嫂搶閘早十日生女，有指洗米嫂打爛醋罈同老公冷戰，落令禁Mandy母女現身港及澳門，噚日洗米華現身倫敦，相信係到當地探望同Mandy所生嘅「小米女」了。
上月洗米華才被讀者爆陪Mandy蜜遊西班牙巴塞隆拿，當時洗米嫂同友人去完希臘旅行，落機後即去上環睇舖位，問到知否老公行蹤？佢宣示主權話：「一家人keep住聯絡。」日前洗米嫂在社交網貼跟大女的餅印相，似乎有女萬事足。
相關新聞:
老婆人在希臘 洗米華孖Mandy遊西班牙
http://bit.ly/1ODpj6b
|
鍾意就快D Share啦！
|
|
|