掃呢頁CODE去手機

2015年10月11日 星期日

余安安拍MV要四圍摸 薛凱琪取笑:你都有今日喇 余安安,薛凱琪,



【自爆有潔癖】余安安拍MV要四圍摸 薛凱琪取笑:你都有今日喇

2015-10-11 18:24:00



(攝影:陳俊強)

余安安同麥潔文嚟緊喺11月,聯同夏文汐等人舉行演唱會,佢兩個今日喺深水埗出席宣傳活動,余安安翻唱《自由在我手》,早前去偏僻地方自導自演MV,佢自爆有潔癖,見到地方污糟,但為求拍攝效果好就唔理得咁多。

余安安大女李文琪同喺戲中做過兩次囡囡嘅薛凱琪,都有來撐場,薛凱琪喺台上笑話:「知你平時要乾淨,見MV你要周圍摸,想話你都有今日喇!哈哈。」

但佢讚余安安執導MV做得好,佢話:「第一次自導自演,已做得好好,又要顧演戲又要拍要顧好多嘢好忙。」

余安安話凡事想親力親為,佢10月22日生日,大會送上蛋糕預祝,佢話:「我會去旅行先,返來就密鑼緊鼓綵排。」

另外,麥潔文希望到時演唱會可以同多啲歌手合唱,佢話:「覺得越冇可能嘅合作會更開心,好似頭先同余安安合唱《人在旅途灑淚時》。」問到將會做歌手既囡囡會唔會合唱,佢話:「應該唔會喇,今次係女神演唱會,佢都唔係女神。」而佢之後冇打算做囡囡既經理人,佢話女由人哋教好啲。



余安安同麥潔文嚟緊會喺11月聯同夏文汐等人舉行演唱會。



錫啖先



預祝生日快樂



咀嘴先



笑到咁





鍾意就快D Share啦!