網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年10月22日 星期四

推《 X-Men》瘟仔 大媽鍾麗緹股災 [壹週刊 - 1337]鍾麗緹,鍾麗,M1,



一身街坊打扮,兩隻手拎住蛋糕,除了導彈尚在,昔日索爆的鍾麗緹已完全變成大媽。

娛樂偵訊

推《 X-Men》瘟仔 大媽鍾麗緹股災

目標明確要衝出中國的國際范(冰冰),爭崩頭拍《變種特攻:未來同盟戰》,就算只係過鏡大茄都冇所謂,偏偏鍾麗緹瘟仔大過天,被《 X-Men》𥄫中,新一集預埋佢,但為了挾實新鮮撻着的內地嫩男張倫碩,早年已經拍過西片的她,自動棄權。

話之你大片,瘟仔行先嘅鍾麗緹唔願離開北京,早前同助手現身當地的麗都酒店,𠌥低身揀蛋糕期間,不慎打出鬆泡泡的八月十五,還有兩腿一節節肥膏,超礙眼!

要挾實嫩口男友,呢雙肉腿,唔夠緊,個股更加係重災區!

大片都照推

內地電影票房郁吓手就十幾廿億,荷李活電影用國內演員,已成慣例。近年主力跑通告、出席活動的鍾麗緹,雖然已經四十五歲,但一口流利的英語,被新一集《 X-Men》鎖定,演出其中一角。

婚姻失敗再失敗,鍾麗緹冇驚過!做真人騷《如果愛》,三兩吓手勢,就同八十後的拍檔張倫碩假戲真做,火速撻着。兩人相差十二年,鍾麗緹自言無障礙。「佢唔淨係靚仔,好陽光同我一樣,鍾意做運動,好夾。」同嫩男新鮮撻着,為咗瘟仔,鍾麗緹諗都唔諗,推掉《 X-Men》角色。

「 Christy幾十歲人都冇變過,係個可以為咗愛情放棄一切嘅人。佢覺得同 Golden(張倫碩)好夾,要佢走成個月去拍戲,一定冇可能!要 mark實男友,加上兩個細女仲細,佢諗都唔諗就推咗人。」知情者說。

素顏下,鍾麗緹面色偏黃兼油光滿面。

拎住大疊人仔(紅圈)同其他顧客並排揀麵包,但同胞完全認唔到身邊人是鍾麗緹。

明顯失修的鍾麗緹,一𠌥低身,打出半個鬆股。

鬆股現形

疊埋心水拍住拖做真人騷的鍾麗緹,早前在助手陪同下,一身街坊裝現身北京麗都酒店。求其束起髮髻的她零妝下面泛油光。在餅店兜了一圈,鍾麗緹被冰櫃內的蛋糕深深吸引,一彎身,大腿近屁股的鬆肉無所遁形,再𠌥低啲,當日著連身裙褲的她,立即打出半個鬆泡泡的八月十五,但鍾麗緹卻毫無知覺,揀完蛋糕,拎住一大疊人仔去俾錢。

長居北京十二年,女神都變大媽

同八十後的張倫碩合作真人騷《如果愛》撻着,鍾麗緹為了拍拖,放棄接拍荷李活大片《 X-Men》。

全力打入國際的范冰冰,成功爭取演出《變種特攻:未來同盟戰》,過鏡做大茄都冇 say no。

去年為國內雜誌影性感照,有前有後,激索。

經歷兩次婚姻失敗,鍾麗緹獨力撫養三個女兒。

撰文、攝影、攝錄:娛樂組

鍾意就快D Share啦!