掃呢頁CODE去手機

2015年11月25日 星期三

有競爭 蕭定一 1,300萬買起周柏豪 王宗堯:唔驚搶地位 [FACE - 444] 柏豪,王宗堯,蕭定一,MF,周柏豪

周柏豪即將成為「 3D數碼」一份子,分分鐘同王宗堯爭飯碗,但王就話:「我從來唔興自己公司同自己公司鬥。」 《蘋果日報》圖片 真面目 有競爭 蕭定一 1,300萬買起周柏豪 王宗堯:唔驚搶地位 蕭定一自 01年踩隻腳入娛樂圈後,已不 ...


周柏豪即將成為「 3D數碼」一份子,分分鐘同王宗堯爭飯碗,但王就話:「我從來唔興自己公司同自己公司鬥。」 《蘋果日報》圖片

真面目

有競爭 蕭定一 1,300萬買起周柏豪 王宗堯:唔驚搶地位

蕭定一自 01年踩隻腳入娛樂圈後,已不斷擴充公司「中國 3D數碼娛樂有限公司」業務。最近蕭定一亦靜雞雞收購 Starz Holidays Limited(種星堂) 40%股權,即係連樂壇紅人周柏豪和連詩雅都要聽佢指揮,不過本身被阿一力捧的王宗堯,卻隨即因為柏豪加盟而被減產,好在男神天生樂觀話自己地位夠穩固。係囉,有實力,唔怕人多嘅!

《 3D肉蒲團之極樂寶鑑》、《壹獄壹世界》、《十月初五的月光》等電影,統統來自 41歲蕭定一的「中國 3D數碼娛樂有限公司」,在電影界已打穩陣腳,蕭定一梗係不斷招兵買馬

已經擁有張智霖、胡杏兒、王宗堯、張建聲、鄭欣宜的蕭定一,今年 6月與相識多年,𡃁模公司 GME老闆 Roy傾掂合併,女神級的周秀娜、 Jeana亦歸蕭定一擁有,原來上月底,蕭定一更大灑 1360萬,準備收購另一經理人公司 Starz Holdings Limited(種星堂)的 40%股權,即係話周柏豪、連詩雅和陳瀅等人亦要叫佢做老闆。

周柏豪加入 Starz People 10年,老闆鄒世龍錫到佢燶,點會輕易放棄佢吖!

同屬 Starz People旗下的陳瀅本寫真集全裸都試過,嚟緊拍電影唔知會有幾突破呢?

雖然王宗堯要面對柏豪爭食,不過他們不忘幫女友慶祝生日兼送埋戒指,巧浪漫囉! 網上圖片

連詩雅 13年被爆與曲赤的親密照,鄒世龍即陪住出記招。

睇中周柏豪至入股

今次蕭定一收購 Starz People時曾表示過想從而擴大在大中華區的發展空間,但本刊細問之下,原來蕭定一全因周柏豪呢隻優質股!「周柏豪、連詩雅和陳瀅都係好有潛質嘅藝人,所以我先至考慮入股。我不需要牽涉管理入面,我做嘅只係電影裡面盡量幫佢哋策劃一啲啱嘅角色,令佢哋喺電影上更上一層樓。」

周柏豪強勢加盟,即係話以後開戲,蕭定一有更多選擇,做開蕭定一電影男一之一嘅王宗堯就唔驚地位不保:「我哋從來都唔興自己公司同自己公司鬥,始終大家形象、類型好唔同,我係演員,佢(周柏豪)係歌手,唔驚搶地位,再加上大家應該唔會有好特別嘅衝突,可能會多咗機會合作」。有競爭先有進步嘛!

搵埋胡囧

上月初,胡杏兒以 3,500萬加盟「 3D數碼」,終於有個一線花旦壓陣,蕭生笑到瞇晒眼《蘋果日報》圖片

周柏豪喺 5年前舊作《我要做 model》入面仲扮埋女人,不過柏豪就提都唔想提。

浪費演技

《四非》當中,周柏豪爛面上陣,不過對手係彭順小三 Liddy,欠大卡士谷宣傳,有啲浪費。

除咗有一哥一姐,「 3D數碼」仲有一班配角要養,好似 Jeana、莊思敏、雨僑咁,開戲都唔愁冇女用。 網上圖片

最叻劇變戲

蕭定一以拍電影為主,如 Chilam主演的《天生愛情狂》,笑片《猛龍特囧》,改編自網絡小說的《壹獄壹世界》等等。不過蕭生仲有另一鋪癮,就係將電視劇拍成電影版。其實電視劇起碼 20集,有睇嘅觀眾一定入晒腦,會追睇電影版亦好大機會吖!

《十月初五的月光》

搵番原班人馬,去返澳門拍攝,雖然場景、人物都老咗 15年!不過觀眾都係想搵番個集體回憶,其他?無所謂

《導火新聞線》

香港電視製作,有口碑嘅電視劇,雖然演員唔係咩一線花旦、小生,但故事寫得真實又夠張力,難怪蕭生睇中呢部劇嚟開電影版

《選戰》

去年被選為香港電視的開台劇,由最佳女主角李心潔主演,當時此劇更成為一時佳話!劇集播畢即有傳蕭定一將拍《選戰》電影版,而蕭定一亦回應:「有咁嘅計劃!」

採訪、撰文:娛樂組

鍾意就快D Share啦!