熱爆娛樂: 去泰國考牌　「栢芝奶媽」倒奶吸客 [壹週刊

2015年11月5日星期四

去泰國考牌　「栢芝奶媽」倒奶吸客 [壹週刊 - 1339] 栢芝,張栢芝,M1,

展示苦練數月的空中瑜伽，輕輕向前一拉，胸口已經 big爆！

娛樂偵訊

去泰國考牌　「栢芝奶媽」倒奶吸客

13年選過港姐中途退選的林芷嘉（ Karen），因貌似張栢芝加上有 32D胸，被封「栢芝奶媽」，之後拍過電影《喜愛夜蒲 3》及《單身男女 2》，但家住六千萬複式豪宅的她，賺錢買花戴，因為要接拍瑜伽運動公司廣告，在過去兩個多月，林芷嘉專心苦練空中瑜伽，為倒奶做好準備之餘，仲上咗癮，玩到要開埋 studio做生意。

單對單上堂

於英國樸茨茅夫大學（ University of Portsmouth）國際商業及英文系畢業的「栢芝奶媽」林芷嘉，家有個經營水晶和飛機模型生意的富爸爸，讀飽書唔使打工捱世界。

「除咗喺網上搞服裝生意（專賣外國 party dress同古董 Chanel手袋），我有時都會幫屋企手，辦啲中港兩地展覽，有時間就接吓啲 modeling工作。」林芷嘉說。

因為接了個瑜伽運動公司廣告，八月中開始接觸空中瑜伽的林芷嘉，一試上癮。

「玩咗兩個幾月，我搵老師一對一上堂，玩瑜伽可以減壓，個 body嘅線條真係靚咗好多， pat pat都圓咗翹咗！而家一個星期 keep住做三至四日，身邊好多朋友都跟咗我個老師上堂，有時我都會幫手做助教。屋企人都支持我， plan緊自己開 studio，會拍住 Tiffany（瑜伽導師）一齊做。」林芷嘉說。

要打開門做生意，林芷嘉近期密密上堂，為稍後到泰國考空中瑜伽導師牌，接受特訓。

因為要接拍瑜伽運動公司廣告而練空中瑜伽， Karen一試即上癮。

在外國讀書的 Karen，經常在 facebook分享性感巨咪照。

林芷嘉（ Karen） 13年曾經參選港姐，雖然最後退選，但因為身材火辣，有機會參演電影。

晒相分享

將興趣發展為事業，林芷嘉試真對待。整個人掛在七米長的布帶上，凌空做出拗腰、一字馬等連串動作，之後再嚟一招倒吊，立即倒瀉 32D。

「練空中瑜伽，身體每一塊肌肉都練到力量同練到柔軟度，身形會修得好靚，啲 pose好誘惑但又好優雅，我好多時都會放相上 facebook同朋友分享效果，我唔係賣弄色情，只要性感得嚟靚同健康，就完全無問題！」林芷嘉說。