熱爆娛樂: 老豆做金沙大總管　王梓軒拖埋家燕女搵食 [壹週刊

2015年11月19日星期四

老豆做金沙大總管　王梓軒拖埋家燕女搵食 [壹週刊 - 1341] 王梓軒,薛家燕,家燕,M1,

王梓軒與薛家燕長女石祐珊同是 09年從美國回流，女方做了他的經理人，寓工作於拍拖，家燕姐應該最飲得杯落。

娛樂偵訊

老豆做金沙大總管　王梓軒拖埋家燕女搵食

與薛家燕大女石祐珊拍拖的王梓軒，父親王英偉是港區全國人大代表，又是香港藝術發展局主席，今個月更履新上任澳門「金沙中國」總裁兼首席營運總裁。

老豆愈來愈掂，王梓軒亦受惠。王英偉上任後，即着手為兒子在金沙搞騷，更益埋未來新抱，欽點石祐珊做製作搞手，一家親。

三千變三萬

屋企有錢，但王梓軒對金錢卻毫無概念，甚至將日薪一百月入三千計成三萬，被網民起朵「神算」笑爆！子憑父貴冇問題！在新昌營造（ 404）做了八年一哥的王梓軒老豆王英偉，本月初過檔澳門「金沙中國」（ 1928）擔大旗，成為首位華人阿頭，合約更一簽十年，財源滾滾，王梓軒再唔識計數，都冇有怕。

為了吸客，金沙近年積極搞演唱會，除了掟錢吸引外國歌手，不少香港歌手如鍾鎮濤、胡杏兒等亦受惠，多了個搵銀平台。

據知，王英偉上位後，積極為兒子鋪路在金沙開騷。出道六年的王梓軒，雖然音樂及舞蹈底俱厚，王父更不惜大灑金錢，讓他在無 hit歌下，照樣在會展舉行個唱，又找來趙增熹及莫文蔚做製作班底，可惜谷極唔起，如今老豆做金沙大總管，王梓軒如魚得水。

早前王英偉獲頒金紫荊星章，老婆及兒子王梓軒到場見證，事後王英偉話話唔介意借勳章予阿仔出去威，可見他愛子心切。

金沙除博彩業還搞搞演唱會，業餘唱歌的胡杏兒，便曾在金沙開過騷。

王梓軒 12年 8月在會展舉行處男騷，有傳因父親關係，唐英年也是座上客。

益埋未來新抱

「 Johnathan（王梓軒）出道時，佢 daddy幫佢搭路簽咗俾日本 Avex，咁捨得使錢，都係想個仔事業有出頭，而家佢做咗金沙話事人， Johnathan可以喺度開 show，對打入大陸市場亦有唔少幫助。」知情者說。

王梓軒早前接受電台節目訪問時，對於自己要靠父蔭，亦由抗拒變成接受。「兩年前我仲好介意人哋話我靠屋企，但依家睇開咗，因為能夠生長喺咁嘅家庭，的確係好幸福。」

有父親不惜一切，為自己打造演藝康莊路，而身兼經理人王梓軒女友、家燕女兒石祐珊亦在左右，在美國有搞騷搞活動經驗的她，亦受到王英偉賞識，欽點未來新抱做演唱會搞手，實行肥水不流別人田。