網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年11月26日 星期四

前夫澳門頹賭 何嘉莉冚密再嫁 [壹週刊 - 1342] __,何嘉莉,M1,

(《蘋果日報》圖片) 探熱針 前夫澳門頹賭 何嘉莉冚密再嫁 與前夫 King黃逸璋( King)去年十月公布離婚,事隔一年,何嘉莉再嫁!上週三( 18/11),閃嫁機師男友 Gerald Sze,由於不想觸動前夫神經,對再婚一事, ...


(《蘋果日報》圖片)

探熱針

前夫澳門頹賭 何嘉莉冚密再嫁

與前夫 King黃逸璋( King)去年十月公布離婚,事隔一年,何嘉莉再嫁!上週三( 18/11),閃嫁機師男友 Gerald Sze,由於不想觸動前夫神經,對再婚一事,何嘉莉極為低調。

原來早於 13年底,何嘉莉和 Gerald已經撻着, 14年初與 King協議離婚後,更火速與新歡同居。

前妻嫁咗人, King單拖到澳門賭錢,輸清頹爆!

保護現任

上週三(十一月十八日),何嘉莉在淺水灣酒店舉行婚禮,與機師男友 Gerald結婚,再逢第二春,何嘉莉秘而不宣,一切低調進行,出席當日婚禮的圈中人,只有好姊妹黃伊汶夫婦、谷祖琳及生意夥伴 Moiselle太子爺陳柏熹。

「嘉莉只係同幾個好朋友講咗佢會結婚,突然爆咗出嚟,佢都好緊張,唔請圈中人大搞,係想保護阿 King,佢始終唔係圈中人,嘉莉擔心前夫私生活受影響。」何嘉莉身邊人說。

○六年,何嘉莉與發記甜品太子爺黃逸璋( King)結婚,婚後恩愛,去年十月驚爆離婚,當時何嘉莉更表示於年初已與兒子 Jean搬離愛巢。

結束九年婚姻,原因是性格不合,生活理念有分歧,但據了解,早於一三年底,何嘉莉已撻着機師新歡 Gerald,只是 King一直蒙在鼓裡。

「佢哋係响一個朋友聚會度認識, Gerald對嘉莉完全係一見鍾情,就算明知對方結咗婚有個仔,佢都照採取攻勢,佢對嘉莉好細心,係乜都就晒嗰種,同 King火爆性格根本兩種人!」

何嘉莉婚禮在淺水灣酒店花園舉行,宴請雙方親友約八十人。

何嘉莉父親拖着外孫 Jean步出酒店大堂。

同居兩年,何嘉莉名正言順做施太。

當日婚宴,出席圈中人只有谷祖琳和黃伊汶。

嘈交掟嘢

事實上,何嘉莉同前夫同樣火爆,結婚頭兩年甜蜜期過後,兩人開始經常有爭拗,一二年兒子 Jean出世,二人關係一度有改善,可惜最終仍是離婚收場。

「佢同 King真係嘈交多過食飯,有時嗌到火紅火綠,就喺屋企係咁掟嘢!個仔出世後,佢兩個都有盡量克制,大家關係都有好轉;但嘉莉事業心太強,生完冇耐就出番嚟同 Moiselle太子爺陳柏熹合作搞時裝店, King喺糖水鋪收工返屋企,嘉莉已經出去返工,兩公婆生活作息時間完全顛倒,見面時間好少,兩個人亦無話題,愈來愈難相處。」知情者說。

Gerald的細心遷就,亦加速了何嘉莉決心了斷和前夫關係。

「雖然同嘉莉有咁多磨擦,但 King其實唔願離婚,但無論佢做乜,都修補唔到,最後亦只有接受。」

何嘉莉同前夫性格同樣火爆,結婚第二年已不停嗌交。

前妻再婚,頹爆阿 King在澳門威尼斯人賭錢,幾乎將枱上籌碼輸晒!

頹爆賭錢

協議離婚後,即使手續未正式辦妥,何嘉莉已極速帶埋兒子搬走,與 Gerald在大角咀同居,雙方更一度為兒子撫養權爭拗。

「 King嘅父母好錫粒孫,初時點都唔肯俾個孫仔跟嘉莉,但 King知道個仔好黐媽咪,最後都幫口勸掂父母俾 Jean跟嘉莉住,條件係要定時定候,帶 Jean返嚟見爺爺嫲嫲。」知情者說。

何嘉莉爆出再婚消息,失婚的黃逸璋就頹爆寄情賭博。早前 King被發現在澳門威尼斯人玩德州撲克,凌晨十二點玩到三點,輸咗唔少錢;原本戴住眼鏡集中精神賭錢的他,其間除低眼鏡,冇厘心機托住頭,對前妻離婚一年再嫁,大受打擊!

去年三月,何嘉莉被拍到一家三口行圓方,原來當時二人已經分居。 《蘋果日報》圖片

Gerald揸機拍下何嘉莉與兒子 Jean在沙灘玩。

阿 King父母一度想爭孫仔 Jean撫養權,最終被兒子勸服。

Gerald的 Fb頭像,正是與何嘉莉的合照。

本週二四時多,阿 King返到旺角甜品店,被問到前妻是否離婚前已同 Gerald一齊,阿 King冷淡說:「已經過咗去,你問佢,唔好問我!」

何嘉莉跟 Yumiko、徐濠縈亦非常老友,但婚宴未有邀請兩人。

英皇小花

初出道時,何嘉莉和容祖兒曾因爭寵不和。

曾是「英皇三小花」的何嘉莉,是公司力捧對象之一,其後有傳她唔聽老闆話,又搭上髮型師 DY(余勝友),終日掛住拍拖無心戀戰,結果被雪藏更一度放逐到台灣。 02年,何嘉莉主動向英皇提前解約,轉到幕後做形象設計; 06年與發記甜品少東黃逸璋結婚,正式退出娛樂圈做少奶奶。

冇得爭

夫妻離婚,要爭子女撫養權的話,每每訴諸法庭,目前政府計劃改例,以離婚夫婦皆有共同責任照顧孩子,去除昔日有關子女管養權及探視權,減少雙方爭拗對下一代造成的傷害,並確保雙方家長的責任。

撰文、攝影、攝錄:娛樂組

鍾意就快D Share啦!