掃呢頁CODE去手機

2015年11月26日 星期四

太癲 自由身林欣彤無人敢要 [壹週刊 - 1342] __,林欣彤,M1,

娛樂偵訊 太癲 自由身林欣彤無人敢要 現年只得 25歲的林欣彤( Mag), 11年因壓力而患上抑鬱及厭食症,經過三年的治療,厭食情況已有改善,但情緒依然不穩。上月滿約無綫及英皇唱片,決定唔續約的她先後向不同唱片公司敲門,可惜因抑鬱問題未解決又出名易失控,搞到冇人敢要! ...


娛樂偵訊

太癲 自由身林欣彤無人敢要

現年只得 25歲的林欣彤( Mag), 11年因壓力而患上抑鬱及厭食症,經過三年的治療,厭食情況已有改善,但情緒依然不穩。上月滿約無綫及英皇唱片,決定唔續約的她先後向不同唱片公司敲門,可惜因抑鬱問題未解決又出名易失控,搞到冇人敢要!

慘食閉門羮

林欣彤停工大半年醫病,之後復出聲勢不再,英皇亦放軟手腳,去年推出大碟《 Mooooody Me》近乎零宣傳,今年亦只出過一隻 EP,慳水慳力。

「 Mag同英皇份約幾個月前已經完咗,雙方都冇意思傾續約,所以六月出最後嗰隻 EP都冇聲冇氣。」林欣彤身邊人說。

唔續約英皇唱片,與無綫亦於上月結束賓主關係,已是自由身的林欣彤周圍敲門,卻慘食閉門羮。

「無綫都冇嘢俾佢做,間中拍吓旅遊節目上《勁歌金曲》做嘉賓,約滿前雖然有搵過 Mag傾續約,不過條件勁低,所以佢一口就拒絕。呢幾個月, Mag先後搵人放聲氣俾其他唱片公司,但華納、環球、 Sony都冇興趣,大家聽到佢個名都驚咗,因為 Mag會情緒大上大落,冇人控制到佢。其實 Mag連 model公司 StarzPeople都傾埋,最後都唔成事。而家冇人要,佢都諗緊係繼續唱歌,定係轉行。」

幾個月前與英皇唱片約滿的 Mag,十月亦與無綫完約。她決定兩邊都不續約,自己另謀出路。

12年,上位中的 Mag壓力爆煲抑鬱,就算擔正電影《起勢搖滾》做女一,亦未能助她開拓電影路。

自從簽約英皇後, Mag慘被無綫投閒置散,只是間中亮相音樂綜藝節目,或主持旅遊節目,人氣急跌。

一姐不滿

林欣彤一○年參加無綫《超級巨聲 2》得總冠軍入行,被稱小巨肺的她曾得無綫力捧,一一年簽約英皇唱片做容祖兒師妹,有指因為 Joey不滿,一直被擺歪,出過四張唱片,但 hit歌欠奉。

「當年 Mag簽英皇都係無綫安排,諗住簽間大唱片公司谷佢,身價可以幾級跳。點知 Mag因為太大壓力抑鬱,加上佢嫲嫲中風,之後仲搞到厭食,情緒問題嚴重到同佢合作過嘅人都頂唔順,個個怕咗佢。」

Mag當年參加《超級巨聲 2》大受歡迎,成為樂壇新寵兒,英皇唱片羅致旗下,聲勢一時無兩。

除了出碟,英皇電影部亦試過力谷 Mag做影壇新貴,安排她與師姐容祖兒合作電影《 Diva華麗之後》, Mag更因此受到祖兒排擠。

12年尾,受到抑鬱困擾的 Mag,同時聲帶有事失聲,當時她有輕微厭食,體重暴跌至八十四磅。

被撇癲晒

上位中的林欣彤因為抑鬱,體重暴跌,一一年開始食抗抑鬱藥控制病情,其間男友羅孝勇不離不棄,直至一三年,林欣彤主動分手,三年情玩完。

「 Sheldon(羅孝勇)好就得 Mag,就算佢失眠日夜顛到大叫大喊,都係默默承受照顧佢,咁好嘅男朋友佢都唔要,因為當時佢拍戲同陳家樂撻着,身邊朋友都勸佢唔好,佢又唔聽,最後仲俾人玩完就撇,搞到自己癲晒咁!嗰段時間,真係冇人想同佢接觸。」 Mag身邊人透露。

Mag由入行起便要孭起成頭家,希望父母及細佬有好日子過,是位孝順女。

一二年與陳家樂合作拍攝《 Diva華麗之後》撻着,地下情唔夠半年,男方便速撇 Mag,搞到她身心受創。

羅孝勇由一○年起便與 Mag拍拖,就算女友患抑鬱及厭食症仍對她呵護備至,可惜一三年, Mag為陳家樂而與他分手。

大上大落

有「小巨肺」之稱的林欣彤 10年在《超級巨聲 2》奪冠,一夜成名唱片公司爭住簽,奈何先後患上情緒病及厭食症,之後翻撻初戀男友又被家暴,情緒事業,全面崩塌。

爭住簽

年僅 20歲,以大熱姿態成為《超級巨聲 2》冠軍,無綫最終在眾多唱片公司中揀了英皇,當時的林欣彤出碟又拍戲,連英皇一姐容 Joey亦忌她三分。

失聲厭食

11年,因為承受不到壓力導致抑鬱,靠把聲搵食的她再發現喉嚨生繭失聲,焗住停工休養,結果屈到厭食,體重由高峰期 115磅急跌至 84磅。

俾仔撇

養病期間,男友羅孝勇以每月四萬元租下紅磡海灣軒給她專心休養,之後林欣彤因搭上同公司的陳家樂,狠飛一直對她照顧有加的羅孝勇,到頭來自己亦俾仔飛。

前度家暴

其後翻撻初戀男友 Ben,並在大圍同居,今年初爆出林欣彤疑遭家暴,被打至右眼瘀腫, Ben則在 fb狂數對方出軌。

壓力大易抑鬱

娛樂圈壓力大,不少藝人因此屈出情緒病,甚至因此走上絕路,例如哥哥張國榮。

張國榮

有指張國榮 01年拍電影《異度空間》無法抽離角色罹患憂鬱症,及後在宣傳電影期間,經常鬧失蹤, 03年愚人節,他在文華東方酒店一躍而下,巨星殞落。

鄭秀文

05年拍電影《長恨歌》期間,因體力透支兼壓力大患上腮腺炎,導致臉容浮腫,更因此引發情緒病,其間試過七日自困睡房,之後 Sammi用了兩年時間靜養及在信仰支持,度過難關。

梁齊昕

行徑向來出人意表的 CY女,試過於 fb上載𠝹手照,又指遭母親唐青儀家暴掌摑踢傷,事後梁振英承認女兒有情緒病。今年萬聖節,在老蘭扮鬼蒲完的齊昕更當眾兩度掌摑其母。

關淑怡

自未婚誕下兒子後便開始神化,開工多次失場,搞到大家怕怕冇人搵, 05年至今,經理人換完又轉,冇一個合作得長。

撰文、攝影、攝錄:娛樂組

鍾意就快D Share啦!