掃呢頁CODE去手機

2015年11月26日 星期四

過氣五虎 箍億萬富婆李彩華 [壹週刊 - 1342] __,李彩華,M1,

日前李彩華和何遠恒孖住去機場,事關她要去橫店拍劇,何遠恒不但送她去當地,更會陪她幾日才去上海工作。 娛樂偵訊 過氣五虎 箍億萬富婆李彩華 憑《回家的誘惑》在內地彈起,短短三年吸金近億的 32歲李彩華,有樓有 cash,榮升圈中小富 ...


日前李彩華和何遠恒孖住去機場,事關她要去橫店拍劇,何遠恒不但送她去當地,更會陪她幾日才去上海工作。

娛樂偵訊

過氣五虎 箍億萬富婆李彩華

憑《回家的誘惑》在內地彈起,短短三年吸金近億的 32歲李彩華,有樓有 cash,榮升圈中小富婆。搵長錢,但愛情運就好麻麻;年初爆出撻着在無綫捧極唔紅,敗走內地做生意的過氣五虎何遠恒,為箍實富婆女友,何遠恒跟出跟入,甚至唔開工陪住細自己九年的 Rain在內地拍劇,湊女咁湊。

入晒屋

近年李彩華在內地劇接劇,今年計,三部劇,每集三十萬人仔計,已穩袋二千七百萬。

錢多物業多裙下臣亦多,可惜段段情都無法開花結果。年初,李彩華爆出同大她九年的過氣五虎何遠恒撻着,不過二人大部分時間選擇外地旅行拍拖,刻意保持低調。

「 Rain唔想咁高姿態,每次俾人問,都話仲係了解中,其實何遠恒已經入晒屋,好似 Rain生日、大時大節,佢都會一齊。之前拍咗幾個都冇結果,而家呢個係點又未知,阿 Rain嘅心態係唔講,開心唔開心,自己知就算,所以佢哋鍾意出去旅行,其實未正式拍拖,何遠恒已經成日約阿 Rain一家去外面玩,之前去過杜拜,近排兩個人又去咗英國,總之只要阿 Rain有長假,就會周圍飛。」知情者說。

北上吸金豬籠入水,李彩華一身富貴,最愛用 Hermes手袋。

李彩華不但自己愛買鑽飾,也常送鑽戒給媽咪,非常孝順。

二人拍住拖 check in,何遠恒錫住女友,主動做晒所有粗重嘢。

由於尚未正式公開戀情,二人還有點避忌,分開閘口入閘。

李彩華獨自入閘,其間不斷打電話,似向何遠恒報告行蹤。

工都唔返

女友拍劇郁吓三、四個月,在內地開裝修工程公司的何遠恒惟有百般遷就,只要女友有時間,他便工都唔返,陪阿 Rain。

「何遠恒間公司喺內地,所以佢會交低啲嘢俾同事,然後飛去探女友班,有時阿 Rain放幾日假可以返香港,佢又會跟埋一齊返嚟;其實佢對阿 Rain真係好體貼,好識得氹佢開心。」

何遠恒行外母政策碼實女友,年頭攞住蛋糕和禮物去李彩華父母家,提早拜年。之後李媽媽生日,他亦送上大禮。《蘋果日報》圖片

李彩華在內地劇接劇,跟王祖藍和蔡少芬一樣是吸金力強的港星,今年李彩華起碼賺了二千幾萬。

貼身服侍

剛拍完內地劇《家國恩仇記》,李彩華返港小休幾天後,日前又在跟得男友何遠恒貼身護送下,起程返橫店開新劇。

下午三點半,一身便服戴住墨鏡的李彩華,孖住男友抵達機場,二人在港龍櫃枱辦理登機手續,細心的何遠恒將大件行李放上輸送帶磅重,完全不用女友動手。

機場人多,唔肯公開認戀情的李彩華,有默契跟男友分開在南、北兩個閘口入閘。

「 Rain返去橫店拍《天下正道》,要拍到十二月先有假放,所以何遠恒陪埋佢返去拍劇現場,諗住喺橫店陪多女友幾日,然後先返上海做嘢。」知情者說。

之前何遠恒曾跟女友及未來外父外母去杜拜旅行,早已登堂入室。

李彩華和何遠恒在朋友圈中是公開的一對,在友人面前常晒恩愛。

何遠恒當年跟古天樂、古巨基、劉愷威和吳家樂被無綫捧為「新五虎」,可惜他在娛樂圈發展平平,近年轉戰內地搞冷氣工程和瓷磚生意。

負資產變億元戶

由負資產搖身變富婆,李彩華的拍劇價亦十倍跳,由三年多前的 3萬升到現時 30萬一集,愛人仔換磚頭的她,手持四個物業,加上今年再袋 2,700萬,身家過億。

跟得男友

要經營男卑女尊的戀事,細心加貼身無往而不利,尤其係女友忙爆,扮矮仔陪開工,肯定有分加。

范冰冰 李晨

有范爺之稱的范冰冰,跟事業低她幾班的李晨拍拖,開工、執樣、放假陪玩,李晨總在旁。

蔡依林 錦榮

台灣天后蔡依林 10年爆出撻着細自己三年的男模錦榮後,男方隨即人氣急升成搶手貨,蔡依林順勢扶男友一把簽同一經理人,成為同門師弟,早前她到新加坡開騷,錦榮亦陪住。

容祖兒 劉浩龍

跟劉浩龍成就相差一大截,為拉近距離, Joey出面幫男友轉會太陽娛樂外,出外工作或旅行,又用自己里數換分幫男友出機票,唔使師兄出一個,年前到美國讀短期跳舞課程, Joey亦帶埋男友在身邊。

撰文、攝影、攝錄:娛樂組

鍾意就快D Share啦!