掃呢頁CODE去手機

2015年11月13日 星期五

【對仔女寵愛有加】大劉去年買逾2.5億藍鑽 贈呂麗君囡囡 大劉,劉鑾雄,





其他影片:>>






大劉劉鑾雄一向對仔女寵愛有加,仔女向來收豪宅、靚車、鑽石樣樣齊!大劉今日向《蘋果》承認一共買咗2粒巨鑽畀呂麗君所生嘅囡囡劉秀盈(Zoe)、送咗4粒巨鑽畀甘比囡囡劉秀樺(Josephine),大劉只係送鑽石畀囡囡,就豪花咗19億元。

大劉噚日喺瑞士日內瓦佳士得,先買完以2.2億港元買完一顆重16.08卡,被鑑定為Fancy Vivid Pink嘅粉紅鑽石,命名為「The Sweet Josephine」,送畀佢同甘比所生嘅囡囡劉秀樺,今早再喺瑞士日內瓦蘇富比拍賣會以約3.7億港元,投到一顆重達12.03卡嘅罕有藍鑽石,命名為「The Blue Moon of Josephine」,再次贈予甘比囡囡秀樺。

該粒罕有嘅藍鑽石獲美國寶石學院(GIA)鑑定為鮮彩藍色(Fancy Vivid Blue),屬最高級別,鑑評為內部無瑕的剔透淨度,再計埋大劉喺09年曾7,400萬元投得7.03卡稀世藍鑽「Star of Josephine」,已經送咗三顆可命名嘅稀世鑽石畀囡囡秀樺!

其實上年10月,大劉亦都喺香港嘅蘇富比拍賣行買咗價值1.37億港元、重8.5卡嘅粉紅鑽送給囡囡秀樺,故此大劉單係送鑽石畀囡囡秀樺,(暫時)已豪花咗8億,再計埋之前送贈價值4.6億渣甸山高士美道大屋,估唔到囡囡秀樺七歲人仔細細,便擁有12.61億元財富。小朋友嘅起跑線已衝出宇宙…

大劉亦都好錫自己同呂麗君所生嘅囡囡Zoe,上年11月曾喺紐約蘇富比出擊,以2.54億買下一顆9.75卡鮮彩藍鑽,命名為「The Zoe Diamond」,又喺香港佳士得拍賣會以6,508萬元,買咗一粒10.1卡枕形緬甸天然紅寶石,命名為「Zoe Red」贈愛女秀盈,兩粒鑽石總值超過3億。

(資料圖片) 大劉送咗4粒巨鑽畀甘比囡囡劉秀樺。 (資料圖片) The Sweet Josephine(左);The Blue Moon of Josephine(右)。 (資料圖片)
大劉買咗2粒巨鑽畀呂麗君所生嘅囡囡劉秀盈。(資料圖片)
鍾意就快D Share啦!