網頁

請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年11月26日 星期四

離婚分手重創 直擊 33歲生日買醉 阿 Sa大嗌:男人收皮啦! [壹週刊 - 1342] __,阿 Sa,蔡卓妍,M1,

探熱針 離婚分手重創 直擊 33歲生日買醉 阿 Sa大嗌:男人收皮啦! 失過婚!蔡卓妍(阿 Sa)又被陳偉霆拋棄,再遇情傷的她,日前為慶祝 33歲生日大搞燒烤派對。成晚俾仔圍,但飽受離婚、甩拖重創的阿 Sa心情其實好差,不停自隊,飲到爆晒,更對住在場男人大嗌:「收皮啦!」兼狂數男人成日講大話,擺明好傷! ...


探熱針 離婚分手重創 直擊 33歲生日買醉 阿 Sa大嗌:男人收皮 失過婚!蔡卓妍(阿 Sa)又被陳偉霆拋棄,再遇情傷的她,日前為慶祝 33歲生日大搞燒烤派對。成晚俾仔圍,但飽受離婚、甩拖重創的阿 Sa心情其實好差,不停自隊,飲到爆晒,更對住在場男人大嗌:「收皮」兼狂數男人成日講大話,擺明好傷! ...


探熱針

離婚分手重創 直擊 33歲生日買醉 阿 Sa大嗌:男人收皮

失過婚!蔡卓妍(阿 Sa)又被陳偉霆拋棄,再遇情傷的她,日前為慶祝 33歲生日大搞燒烤派對。成晚俾仔圍,但飽受離婚、甩拖重創的阿 Sa心情其實好差,不停自隊,飲到爆晒,更對住在場男人大嗌:「收皮」兼狂數男人成日講大話,擺明好傷!

瘦到紙板

一○年宣布跟鄭中基離婚,今年同陳偉霆的姊弟戀又玩完。週日(十一月二十二日),阿 Sa三十三歲生日,明知壽星女無仔陪,一班好友包括 Kary吳雨霏、 Yumiko及公司同事非常識做,安排在上週三(十八日)於大潭舉行 BBQ派對,提早為她慶祝。

女主角阿 Sa亦做戲做全套,不時自拍,又躲在大蛋糕後伸脷賣萌,放相上載微博,表面十分盡興。

本刊記者直擊當晚派對,發覺口口聲聲話自己冇事的阿 Sa,身體卻很誠實,就算穿上全套白色秋裝,仍然掩蓋不了紙板人身材,明顯消瘦不少。人前硬淨,亦玩得投入,當晚阿 Sa幾乎杯杯清, high爆。

2011年 29歲生日

有陳偉霆陪,往事只得回味。

2015年 33歲生日

壽星女阿 Sa整晚情緒高漲,由十時飲到凌晨三時,其間還揸住支白酒周圍隊朋友。

溝酒自隊

由十點劈到深夜三點幾,壽星女一到埗,已不停自隊,紅酒溝白酒,完全冇擔心會醉,滿場飛的她更周圍撩人,全晚飲酒多過食嘢。

未到十二點,阿 Sa已經飲到成個關公咁!是夜出席 BBQ活動除了圈中友好,還有英皇和環球兩間唱片公司的工作人員,兩間公司分兩組玩包剪揼,其中人妻 Kary錫身冇喪劈,仲要睇住時間交人,阿 Sa當堂詐型:「最衰你結咗婚!」

之後,阿 Sa拎住支白酒周圍撩人隊,又豪氣說:「我陪你飲,幾大方,我哋英皇好大方㗎!」

飲完兩杯,望見附近有羽毛球場,阿 Sa話要打羽毛球,旁邊的友人 O晒嘴,但仍陪她打了兩板。其實跟陳偉霆拍拖時,二人都熱衷打羽毛球,當晚阿 Sa明顯睹物思人!

Kary與同事猜輸枚要罰飲酒, Kary指住問同事點解杯酒咁滿,唔公平!

阿 Sa忽然提議由英皇唱片與環球唱片猜枚對賽,結果英皇組勝出,阿 Sa大聲表示英皇人好大方,陪輸家飲酒。

Yumiko與老公 Andy玩了兩小時便先行離開,趕住返屋企湊女。

飲多幾杯見肚餓,全程都冇乜燒嘢食的 Kary,自己走去拎生日蛋糕食。

阿 Sa與 Kary原來很老友, Kary同阿 Sa慶生,老公 Brian車她參加派對後便自行揸車離開,好 sweet。

鬧男人講大話

過完手癮,阿 Sa坐番去男人堆撩人隊酒,「我同你一人一半,我哋呢啲有義氣,義氣仔女嚟吖嘛!」男性友人唔肯飲,阿 Sa即發脾氣大嗌:「收皮我都未見過你醉!」見壽星女唔 like,對方即乖乖自隊,阿 Sa才滿意說:「一陣送你返屋企,唔准揸車呀!」

之後滿面通紅的阿 Sa high到唱埋歌,又跟遲來的朋友說:「你咁遲嚟呀,我一早飲咗好多」飲大兩杯,阿 Sa忽然借醉高呼:「你哋啲男人,成日都講大話!」相當感慨。

週日( 22號)是阿 Sa三十三歲生日,她跟阿嬌出席活動搵真銀。

阿嬌和阿 Sa姊妹情深,阿嬌特別送上禮物,為她賀壽。

由於阿 Sa和陳偉霆的生日只相隔一日,過往二人會一同開生日會,如今此情不再。

契哥呵番

其間,有朋友要和阿 Sa飲杯,祝她生日快樂,阿 Sa即向搭住她肩膊的契哥、潮牌 Ground- Zero創辦人 Eri詐嬌:「我生日梗要錫住我,哥哥,係咪要錫住我呀?」 Eri只好不停幫她按摩,儘量安撫。之後阿 Sa又 high爆高呼:「邊有人去生日會揸車㗎?呢個世界有的士㗎嘛!」

週日(二十二號)正日生日,阿 Sa拍住阿嬌出席活動搵真銀;生日前一晚,阿 Sa原打算由北京趕返香港慶生,怎料航班 delay五個鐘,結果要在空中度過三十三歲一刻。

「空中少爺同空姐知我生日送咗支香檳俾我,又將我團隊嘅人全部 upgrade晒。」問阿 Sa生日願望是否想快些拍拖?她說:「個個都咁講,隨緣」

過往阿 Sa會北上陪陳偉霆拍劇,二人在橫店的最佳娛樂是打羽毛球,想不到阿 Sa連今年生日都要打羽毛球,認真長情。

今年陳偉霆生日,緋聞女友趙麗穎為他拍祝賀短片,夠晒 sweet。

由北京飛返香港時,由於班機 delay,阿 Sa獲機組人員為她在飛機上慶祝。

阿 Sa與潮牌 Ground-Zero創辦人之一的 Eri相識多年,並以兄弟相稱。 BBQ當晚阿 Sa被朋友隊酒,醒目女即向旁邊的 Eri撒嬌,說:「哥哥,係咪要錫住我呀?」 Eri即刻軟晒,並由搭膊轉為幫阿 Sa按摩兼頂酒。

搭膊

按摩

$138任食

阿 Sa生日舉行 BBQ派對的地方並非高級消費場所,而是$138任食的平民燒烤場。位處赤柱大潭道大潭篤村尾的燒烤場,地方可容納五十至八十人,早上及下午有滑水服務提供,收費另計,晚上則是任食任玩 BBQ,由於位置偏遠及無公共交通工具直達,所以人流不多,搞私人派對一流。

陳偉霆冧女

陳偉霆( William)與前度阿 Sa的生日只差一天,以往二人亦多次合體搞生日 P。此情不再,二人的共同朋友大多企阿 Sa陣線,同 William割席。「班朋友本來都係因為阿 Sa先同 William玩,呢幾年佢哋都係一齊搞生日,大家都冇諗過 William會咁絕情,而家佢哋分開咗,我哋要玩都同阿 Sa玩 William覺得自己升晒呢,咪留喺大陸,做佢嘅小鮮肉囉。」其中一名友人說。

不過, William亦不愁寂寞。上週六( 21日)三十歲生日,五千粉絲陪慶生。一向識冧女的 William,在派對上剝衫騷肌自摸,於新歌《 1121》 MV中又化身兔仔扮可愛狂送吻,為冧女,乜都得!

「佢個新歡趙麗穎拍嗰條祝賀片好大回響,班女粉冇呷醋,仲好支持佢兩個一齊。喺廣州搞生日派對嗰日係正日, William特登包咗架中港車,接佢屋企人到現場,見證佢有幾紅。」知情者說。

騷肌

送吻扮可愛

陳偉霆今年生日有五千多強國粉絲跟他慶祝,他的家人也北上出席活動。

撰文、攝影、攝錄:娛樂組

鍾意就快D Share啦!


Related Posts Plugin for WordPress, Blogger...