| 李彩華身價暴漲，依家每集30萬人民幣呀！好勁呀！ | next 1/1 pre |
 | |
| 《家國恩仇記》同《天下正道》差唔多係同時拍，所以佢成日要兩地走嚟走去。 | next 1/1 pre |
 | |
| 李彩華喺《家國恩仇記》係一個土匪，要粗豪、要開槍。 | next 1/1 pre |
 | |
| 而喺《天下正道》就係一個大家閨秀，要斯文、有禮。 | next 1/1 pre |
 | |
| 李彩華話都搞到佢都有少少精神分裂呀～陰公豬囉！ | next 1/1 pre |
 | |
| 李彩華仲因為長期舟車勞頓，變成藥煲！ | next 1/1 pre |
 | |
| 佢指幾乎每次返香港都要搵醫生「大修」，做全身檢查。 | next 1/1 pre |
 | |
| 不過佢仲覺得OK，唯一擔心嘅係怕媽咪為佢健康擔心！ | next 1/1 pre |
 | |
| 真係要好好保重身體呀！ | next 1/1 pre |
李彩華（Rain）近年將事業重心轉移內地，據知身價已暴漲至每集30萬人民幣（約36萬8千港元），今年單是拍劇已進帳約2,700萬人仔（約3,300萬港元），更出現劇組「爭人」情況，Rain為免順得哥情失嫂意，只好熬車五粒鐘，穿州過省趕劇，總之辛苦錢不易賺，她坦言長期舟車勞頓，變成藥煲！
31歲的李彩華早前憑內地劇《回家的誘惑》再度爆紅，據知身價暴漲至每集30萬人民幣（約36萬8千港元），不過仍有不少製作單位主動接洽要求合作，令Rain一劇接一劇，勁賺人仔，除之前拍完的30集《獨立縱隊2》，年尾前還要拍各30集的《家國恩仇記》及《天下正道》，換言之，今年拍了三劇的Rain進帳約2,700百萬人仔（約3,300萬港元），真是豬籠入水。
不過，Rain卻指辛苦錢不易賺：「我係有苦自己知，《家》劇喺浙江，《天》劇就喺橫店，兩套劇都趕拍，時間緊迫，我唔想影響劇組進度，情願自己辛苦啲，喺浙江拍完即刻趕去橫店，來回要五個鐘頭車程，係咁來來回回。但最辛苦唔係熬車，係兩套劇嘅角色反差好大，《家》劇我做土匪，要粗豪、要開槍，《天》劇我就演大家閨秀，要斯文、有禮，真係搞到我都有少少精神分裂，惟有喺車程中調息自己。《家》劇仲有好多體力勞動嘅戲份，拍我喺泥漿裏面監視敵人，啲泥漿又凍又難行，真係有苦自己知！」
Rain雖然收入豐厚，但醫療方面的開支不為人知，她說：「因為長期喺內地工作，穿州過省，而內地嘅天氣變化好大，又凍又熱，好多時傷風感冒少不免，搞到長期都要睇醫生，甚至每次返香港都要搵醫生『大修』，做全身檢查，而且好多時拍動作場面，搞到自己五勞七傷，都要花唔少錢買中藥調理，可以話長期黐住個藥煲做人，不過我OK嘅，唯一擔心嘅係怕媽咪為我健康擔心！」
「東網巨星」fb專頁：
每日Keep住推介最「精」最「趣」娛聞，只需數分鐘，即可化身娛樂通，茶餘飯後唔驚冇話題。想加入熱議最hit最爆娛聞行列？呢個專頁真係不Like不可。
http://www.facebook.com/onccstars
|
鍾意就快D Share啦！
|
|
|
