掃呢頁CODE去手機

2015年11月11日 星期三

4年關係 新聞部皆知 已婚吳璟儁鬼祟夜會索主播藍可盈 [FACE - 442] 吳璟儁,藍可盈,MF,



封面

4年關係 新聞部皆知 已婚吳璟儁鬼祟夜會索主播藍可盈

大台新聞部又有已婚主播疑似搭上新聞小花,之前有許方輝同周嘉儀傳出緋聞,搞到男方幾乎同老婆離婚,周嘉儀被雪藏一排𠵱家仲走埋添!

今次輪到做《講清講楚》得寵主播吳璟儁,雖然同大台新聞部前編輯鄭悅朗結咗婚 3年,但據知他 4年前,已把靚女小花藍可盈當紅顏知己;另一方面新聞部盛傳吳跟老婆婚姻亮紅燈,上週六( 7日)凌晨吳璟儁更漏夜走到天水圍密會藍可盈,大台新聞部真係好亂呀!

入咗大台 9年, 31歲吳璟儁外貌比年齡成熟, 12年 12月 30日迎娶已離職嘅外電組編輯鄭悅朗,喺中環延開 50席,當日藍可盈都有出席,估唔到另有內情。原來吳璟儁早於結婚前,因同事之利先後親近藍可盈同鄭悅朗,鄭悅朗亦一早知道吳藍的「友誼」,吳璟儁最終亦揀咗同鄭悅朗拉埋天窗,但仍 keep住藍可盈這個紅顏知己。

鬆身粗腰等接

新聞部主播吳璟儁背住老婆鄭悅朗,上週六( 7日)凌晨由元朗去天水圍夜會藍可盈,當晚藍穿上鬆身衫粗腰圓圓, 2人同時出現喺藍可盈住所附近公園,但吳璟儁警覺性極高,兜咗幾個圈就返咗屋企。

7/11 01:10

吳璟儁同藍可盈夜會當日,吳璟儁收工時駕車載利君雅及一女同事離開,分別喺將軍澳同洪水橋附近放低女同事及利君雅。

01:20

放低同事後直駛到天水圍天耀邨,亦即藍可盈住所附近。

01:30

吳璟儁先喺便利店買咗飲品,然後步行到天耀邨公園。

02:00

2人喺公園轉來轉去傾電話,之後吳璟儁駕車離開天水圍。

01:30

同時間藍可盈出現喺天耀邨公園另一邊,拎住電話四處張望,唔通打俾吳璟儁?

藍可盈再辭職

據大台新聞部同事爆料指:「鄭悅朗明知都堅持要嫁,成個新聞部都知。有人結婚前一晚仍然同女方講:『你要等我,呢個婚我一定要結。』之後女方同啲好姊妹講番,呢單嘢先揚出嚟!」

上年 8月吳同藍嘅關係喺新聞部通晒天,傳到阿花袁志偉耳邊,向兩人照肺,畀兩條路吳璟儁揀,一係吳走一係藍走,而藍可盈上年突然辭職。今年藍可盈重返新聞部,袁志偉則精心安排,要兩人返唔同更。

近日新聞部同事亦頻頻咬耳仔,見有女主播最近體態豐盈,大家竊竊私語;而且藍可盈最近再次遞信,下月將轉到于品海旗下新媒體香港 01返工;亦傳出吳璟儁同老婆鄭悅朗嘅婚姻亮起紅燈。

吳璟儁 18歲曾唱 chok歌兼拍埋 MV,隻歌好鬼文藝但冧死女。

本週一( 9日)吳璟儁落街買嘢食,被問到同藍可盈嘅關係即刻皺眉頭,只係答咗句:「黐線!」就急急腳返屋企。

公園兜圈

上週五( 6日)本刊目擊,吳璟儁夜晚收工後駕車載利君雅同另一女同事離開公司,先去到將軍澳港鐵站外送女同事落車,再送利君雅到屯門洪水橋附近,然後獨自駛往天水圍天耀邨,亦即係藍可盈屋企附近。

吳璟儁停低架車行入便利店買水,然後步行到天耀邨公園,差不多同一時間藍可盈出現喺公園另一邊,手拿麥當勞紙袋同銀包,着住鬆身白色衫腰肢粗,喺公園行嚟行去又不停講電話,但未見兩人碰面,其後吳璟儁駕車駛入附近後巷,未幾絕塵而去。

12年吳璟儁同前新聞編輯鄭悅朗結婚,被讚係郎才女貌,當日前立法會議員民主黨的張文光都有去飲,原來佢哋上一代走難落嚟香港嗰陣已經認識。

飯後吳璟儁冇同老婆返朗晴居屋企,鄭悅朗喺元朗西鐵站落車,吳璟儁自行駕車返歸。

吳璟儁位於朗晴居單位, 12年以 303萬買入,仍然同老婆鄭悅朗共同擁有,遲啲會唔會有變就未知。

藍可盈:唔想講呢啲嘢!

至週日( 8日)吳璟儁放工後先返咗元朗朗晴居住所,後再駕車到元朗西鐵站,原來係同老婆鄭悅朗交人, 2人泊車後喺商場行咗陣,期間冇拖手又少話題; 2人喺茶餐廳食晚飯,鄭悅朗神情嚴肅,吳則不時托住個頭一副苦惱樣。

食完飯兩公婆不是一齊返住所,反而是吳璟儁載老婆返回元朗西鐵站,然後獨自返屋企。凌晨 12點半又再出動,他警覺性奇高,由元朗駕車去到美孚再截返元朗再入天水圍,喺藍可盈住所附近兜嚟兜去,最終二人並冇見面,但有新聞部員工透露,當晚吳和在公司的藍可盈講了成晚電話,氣氛並不愉快。吳璟儁老婆鄭悅朗離開大台新聞部後,做咗立法會秘書處公共資訊主任,週一( 9日)本刊致電問疑似分居嘅佢,婚姻是否觸礁,鄭悅朗即好有戒心咁答:「吓?點解會咁樣講?唔好意思,我諗我唔會同你做一個咁樣嘅訪問。」隨即 cut線。

而吳璟儁則着住紅色波衫加短褲落街買生果同麵包,記者上前問到佢同藍可盈嘅關係,吳即黑面講咗句:「黐線!」即粒聲唔出返回住所。

本刊再致電藍可盈,她一聽到係記者來電即語氣變得不友善,問佢係咪同吳璟儁有親密關係,藍可盈答:「唔係,冇啲咁嘅事。(係咪一齊幾年?)唔講喇,唔想講呢啲嘢!」便收線唔再接電話。

週日( 8日)吳璟儁同疑似分居老婆喺元朗西鐵站附近見面,但幾乎零交流,兩公婆全程木口木面。

喺餐廳食飯時,鄭悅朗一副嚴肅表情,吳璟儁則托晒頭非常煩惱。

吳璟儁喺新聞部幾得袁志偉歡心,除咗《講清講楚》,仲有份做《新聞透視》、《大事回顧》等等。 《蘋果日報》圖片

梁特首難得做《講清講楚》嘉賓,吳璟儁亦擔重任負責招呼特首。 電視畫面

受重用旺桃花

吳璟儁入新聞部以嚟一直得到總監袁志偉重用,重頭節目《講清講楚》吳璟儁屬主要主持,訪問梁特首都交畀吳璟儁,可見地位超然!做嘢叻,原來吳女性緣非常之強,同事間有傳幾位女記者都同佢關係好好。

陳嘉欣喺香港大學商學院畢業, 11年加入大台新聞部,做咗 1年就升為高級記者,兼做埋《新聞透視》主持,上年開始受高層重用,喺重頭嘅《六點半新聞報道》做主播。

詹前穎由入行至𠵱家都係記者,較少做主播工作所以知名度唔高;而詹前穎同吳璟儁一樣都係高級記者,較多共同話題。

吳芷寧( Priscilla) 08年加入大台,負責明珠台英語新聞、天氣及財經新聞等, 12年辭職轉到建造業議會任企業傳訊工作,前年加入香港電台,據知同吳璟儁仍有聯絡。

大台新聞部好多戀事

做得主播都係靚仔靚女,咁多誘惑自然戀事特別多,就算幾顧新聞形象幾低調都好,紙係包唔住火,純純愛又好,不倫之戀又好都冚唔住㗎!

周嘉儀戀許方輝

電視畫面

許方輝前年被爆同周嘉儀搞婚外情,被偷影到喺車廂內行為親䁥,人夫許方輝赴女方香閏等,許方輝幾乎離婚; 2人事後被停職,休息幾個星期後復工,但許方輝至今仍然唔出得鏡,周嘉儀則已在今年 3月最後主持《香港早晨》後離職,轉投興業證券市場拓展部做 CEO,間中出席下活動。

林燕玲 酒店爆房

有小飛俠之稱嘅林燕玲,曾經由大台轉到 now新聞台任高級主播,再升為首席主播;但 09年被爆同已婚會計師龔耀輝到酒店爆房,林燕玲即被公司停職、燉冬菇兼降職減薪;停工 3個星期後復工,林燕玲誓神劈願表示會同龔耀輝斬纜,但不久又被發現 2人喺中環相聚。

其後林燕玲轉職渣打銀行股票衍生及中介銷售部窩輪銷售副董事,但今年 10月被裁走。

《蘋果日報》圖片

《蘋果日報》圖片

張文采愛小生

張文采 09年加入新聞部, 11年同四線藝員羅鈞滿拍拖, 2人拍拖毫不避忌,經常手拖手行街;可惜拍拖 4年,張文采發現羅鈞滿性格花弗兼有第三者而提出分手。

陳嘉欣傳姐弟戀

傳出姐弟戀 31歲小花陳嘉欣與細佢 2年記者劉晉安傳出姐弟戀,今年 7月去咗英國升學嘅劉晉安難得返香港,約埋成班舊同事去鄭萃雯屋企打邊爐,當大家飲飽食醉,嘉欣 BB主動入廚房洗碗,劉晉安幫手抹乾碗碟,鄭萃雯影咗相兼 po文留言:「默默洗碗的小情侶。」唔覺意公開咗 2人情侶關係。

電視畫面

網上圖片

採訪、撰文:娛樂組

攝影:娛樂突發組

鍾意就快D Share啦!