掃呢頁CODE去手機

2015年11月12日 星期四

【梁浸浸勁搶鏡】古巨基擺酒 凍齡女神大合集 梁浸浸,女神,古巨基,



今晚古巨基喺四季補擺喜酒,宴請圈中好友同佢一齊分享喜悅,不少名人明星到賀,幾乎娛圈總動員現身,亦令人發現原來古氏伉儷果真人緣甚廣,好多表現上同基仔扯唔埋嘅賓客,如賭王四太梁安琪、邱淑貞、黃子華(合拍《衝鋒車》但冇一齊嘅場口)、陳豪陳茵媺、溫碧霞等都來恭喜一對璧人,非常熱鬧。

另一奇景係今晚呢個婚宴就係,雖然有邀請傳媒採訪,大家一齊企門口影賓客,星光熠熠,但就唔見新娘子Lorraine,因為新娘子怕醜,所以唔肯出嚟受訪,所以大家只能夠喺大會發相同嘉賓嘅微博貼圖,一睹古太嘅新娘look。

不過呢,今晚仲有一位非常搶鏡嘅客人,人見人愛,個個爭住抱抱,就連阿Sa蔡卓妍母愛亦被激愛,佢就係——Yumiko個寶貝女梁浸浸,難得呢位小朋友又唔怕生保,任抱唔嬲,可愛到暈。同場加映一眾凍齡女神鬥「無齡感」(呢個term係陳雅倫教嘅),包括周慧敏、溫碧霞、邱淑貞、陳妙瑛等等等等,睇嚟古氏伉儷知己良朋嘅年齡層都好廣吓喎。

超可愛的梁浸浸! 完全唔怕生保 阿Sa母愛大發
溫碧霞與邱淑貞 劉翔 陳茵媺同啤霞
兩位凍齡女神
陳少琪與周慧敏 Karen 古仔賀古巨基
好sweet啊 關心妍夫婦
倪震、周慧敏 祖兒
森美同人妻陳敏之
鍾意就快D Share啦!