掃呢頁CODE去手機

2015年11月1日 星期日

網民熱話:張家輝講鬼故嚇人 張繼聰彈出網友中伏 家輝,張繼聰,繼聰,張家輝,



張家輝喺網上拍片講鬼故,有網民話嚇到個心離一離。

next 1/1 pre

張家輝上載只有40秒嘅講鬼故片段,上載唔夠24小時,點撃人次已逾30萬人次。

next 1/1 pre

張家輝一直吞吞吐吐,似乎對當時嘅事仍心有餘悸,仲愈講愈細聲。

next 1/1 pre

張繼聰就喺呢個千鈞一髮嘅時候喺鏡頭前彈出!

next 1/1 pre

就係咁,網民們終於知道原來「中伏了!」

next 1/1 pre

有網民翻Loop張家輝早期演出嘅喜劇嘅片段。

next 1/1 pre

張家輝扮女人,扮得維妙維肖。

next 1/1 pre

仲嘟晒嘴,真係搏到盡!

next 1/1 pre

網民大讚張家輝努力咗咁多年,先會咁有實力,當然係抵做「男神」

next 1/1 pre

今年萬聖節特別好氣氛!影帝張家輝都忍唔住喺網上拍片講鬼故,個個都話嚇到個心離一離,仲紛紛轉載到各大討論區。大家講到咁得人驚,有人就話驚到唔敢睇,而有睇晒嘅網民個個都話「中晒招」,無一幸免!影帝果然名不虛傳,張家輝講鬼故簡直一流!

原來張家輝為咗宣傳自導自演恐怖片《陀地驅魔人》,喺Facebook專頁上載只有40秒嘅講鬼故片段,上載唔夠24小時,點撃人次已逾30萬人次。片中張家輝首先感謝大家對電影支持,之後就開始入正題:「喺拍攝嘅期間,其實都…有啲幾…唔想發生嘅事出現……」期間張家輝一直吞吞吐吐,似乎對當時嘅事仍心有餘悸,佢不時左望右望,仲愈講愈細聲:「嗰晚我哋喺元朗區…就拍夜班……我哋食緊消夜……」就喺呢個Moment,正當大家已經相當投入,竟然……張繼聰喺呢個千鈞一髮嘅時候喺鏡頭前彈出!就係咁,大家終於知道原來「中伏了!」

正所謂「橋唔怕舊,最緊要受」,呢類嚇人短片經常都有,但點解呢段特別Hit?有網民就話全因張家輝演技出色,每個眼神同小動作都令人以為真有其事,所以先氹到落疊!而張家輝好演技係點樣練成?有網民翻Loop佢早期演出嘅喜劇片段,當時佢仲要扮女人,為藝術而犧牲!不過有專業精神嘅佢,都扮得維妙維肖,又嘟嘴,又扮女人聲,搏到盡!網民大讚張家輝努力咗咁多年,先會咁有實力,當然係抵做「男神」

網民有話兒:

Lee xxxg Xi:張家輝+張繼聰=正!!ps:我賴咗嘢

Bxxxy Lee:咁啱聽唔到又咁啱將部電話放埋耳仔聽個(嗰)時再咁啱張生彈出黎(嚟)~所以淨係覺好好嘈,再望返(番)就得返(番)對眼~

Wxxxton Wat:嗰陣張繼聰食錯野(嘢)

Lxxx Wong"個心離一離..................................

Fxxxhai Yiu:Wa!嚇死人咩><

「東網巨星」fb專頁:

以抵死角度,分析各大娛樂新聞,加埋識睇一定要睇嘅網民妙論,包保享盡「Fun」秒,快啲入嚟畀Like啦。

http://www.facebook.com/onccstars

鍾意就快D Share啦!