網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年11月6日 星期五

【時鐘酒店留影】洗米華新女靠男友打本開舖 甩拖即暴發 洗米華,周焯華,



澳門猛人周焯華周旋於太太陳慧玲同女友Mandy Lieu之間,噚日再爆另結新歡,新女Meko Chiu喺facebook同Instagram自貼與洗米華同坐私人飛機去首爾嘅相,並大晒恩愛寫住﹕「with my luv洗米華」。報道出街後,Meko火速刪文刪相,揚言視洗米華為偶像,又話自己係韓國之行嘅貴客,所以獲邀坐私人飛機云云。

Meko今日於facebook再「改口風」,堅稱留言係一個知佢fb密碼嘅好朋友搞嘅惡作劇,自己知道後已立即刪除呢段不真實嘅post(新聞連結:http://bit.ly/1WEeBvx)。

今日有讀者連環透過本報「爆相爆片」,讀者林先生透露Meko年約27歲,曾就讀黃大仙一間中學,但因為學業成績欠佳,初中輟學轉讀夜校兼打工。不過,Meko嘅樣子似乎每年都有起變化,據悉當時年約20歲嘅Meko疑與男友分手後,痛定思痛努力賺錢裝身。

Meko以前打扮好鍾意行MK風,戴大眼仔con、染金毛、黏長眼睫毛;其中一張短髮舊照,Meko嘅臉蛋仲係圓圓哋,當時仲係單眼皮及豬膽型鼻,直至2010年,Meko對眼睛變大,由讀者提供嘅相片見到Meko疑似喺時鐘酒店房內,更穿上黑色吊帶裙躺在床上,由友人影晒長腿相。

Meko亦喺facebook自貼2012及13年嘅舊照,鼻子變直、變高咗,而且下巴變尖,漸見索女初形;今年成功進化到2.0,變成「翻版Kay」,一身貴氣輕易俘虜男人心。

另一位讀者何先生則透露,Meko原本有一位任職地產公司嘅靚仔男友,男方雖然係打工仔,但死慳死抵幫Meko圓夢開美容店。近日Meko自爆與洗米華關係,男方亦立即喺facebook刪走兩人昔日慶祝生日同旅行等恩愛合照,並留言表示﹕「我和她轉為好朋友關係已經4個月了,我只係想同擔心緊我嘅朋友講,我無事,多謝你地嘅關心。」Meko似乎與之分手後便忽然富貴,近月在ig狂晒鑽戒、坐名車、搭私人飛機等,生活奢華。

讀者提供嘅相片見到Meko疑似喺時鐘酒店房內。 2010年開始尖面! (facebook圖片)
開始唔走MK路線! 變成「翻版Kay」… Meko似乎分手後便忽然富貴…
(facebook圖片) Meko前男友嘅facebook留言。 前男友仲刪走同Meko嘅合照。
短髮舊照,見Meko嘅臉蛋圓,當時仲係單眼皮及豬膽型鼻。 以前打扮好鍾意行MK風! 一直都有晒長腿…
鍾意就快D Share啦!