網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年11月29日 星期日

洪金梅:嘆錯在生不孝子 祥嫂立平安紙捐身家 __,

祥嫂call齊記者到佢大宅開記者會,仲表示已立平安紙捐身家。next1/1pre中港傳媒雲集。next1/1pre例牌有黃夏蕙(右)作伴。next1/1pre祥嫂未有出示任何證據,更謂做母親一定啱。next1/1pre祥嫂的大宅裝潢高貴。next1/1pre大宅內放滿新馬師曾的照片。next1/1pre祥嫂又展示印有她與新馬師曾的酒樽。next1/1pre祥嫂期間又大爆兆尊有3個女朋友。next1 ...


祥嫂call齊記者到佢大宅開記者會,仲表示已立平安紙捐身家。

next 1/1 pre

中港傳媒雲集。

next 1/1 pre

例牌有黃夏蕙(右)作伴。

next 1/1 pre

祥嫂未有出示任何證據,更謂做母親一定啱。

next 1/1 pre

祥嫂的大宅裝潢高貴。

next 1/1 pre

大宅內放滿新馬師曾的照片。

next 1/1 pre

祥嫂又展示印有她與新馬師曾的酒樽。

next 1/1 pre

祥嫂期間又大爆兆尊有3個女朋友。

next 1/1 pre

祥嫂(洪金梅)在錦田寓所見傳媒,再就與鄧兆尊及鄧小艾的爭拗開腔,由於事前有指祥嫂將出示證據,為自己討回公道,吸引了大批傳媒到場,祥嫂受訪期間,更大爆鄧兆尊有3個女朋友!

「母親一定啱」

訪問甫開始,祥嫂即被記者問持有哪些證據?她說:「證據係有,但冇必要攞出嚟,因為咁做會變成連續不斷嘅鬧劇,其實都唔使證明,母親一定啱,最唔啱係生咗啲不孝子。(你之前指子女畀授權文件你簽,係授權乜嘢?)我自己名下已經交咗遺產稅,我提咗啲紅衛兵,欠閻羅王錢都唔好欠稅局錢,佢哋想同稅局打官司。我提咗佢哋,又唔聽,冇我嘅事啦,我仲簽嘢授權聽命於佢哋嘅律師樓?佢哋都唔值得我信。」

當被問到是否不會代子女繳交相關款項,祥嫂只搖搖頭,未有出聲,但提到鄧兆尊回應指如果有登門求見,一定撞爛鐵閘,祥嫂即說:「佢有嚟過,閉路電視一定有拍到車牌、有咩人、停幾耐,叫咗保安公司整理。(佢話撞閘?)我一定報警處理。(小艾話合作唔到咪唔合作,係指打遺產稅官司?)你問番佢,但睇字面就係拆檔,呢啲人冇表達能力,鬼同佢做生意,包蝕嘅!有損無益,莫講今世,下世都唔好制!」

指仔女未拎過一分錢返屋企

祥嫂續說:「佢哋四個出世至今,未拎過一分錢返屋企,鄧小艾養十幾隻狗,鄧兆尊養十幾隻貓,自己都養唔掂仲有3個女朋友,試過過年帶嚟拜年,第3個係揼骨場揼揼吓識嘅,唔知佢係慳時間定腳力嘞!佢問我佢阿爺係咪4個老婆,我話5個呀,想點吖?佢笑笑口唔出聲。我話你阿爺有個伶王咁叻嘅仔可以養起全家,你呢?你3個女友連飯都唔煮,去茶餐廳食咋!」

立平安紙捐身家

問到祥嫂對子女是否心淡?她說:「淡過淡水,無必要令自己再次受傷害。(決定咗遺產唔留畀子女?)今日答你,我一定唔留畀佢哋,啲紅衛兵虐到我體無完膚,我捐咗都唔畀佢哋。社會上有好多人值得幫,我樂意幫,我平安紙都做咗,啲冚X拎咁曳,搞搞震都唔想我安樂,我一定做,祥嫂好精靈。(點睇有人叫你唔好食唔應該食嘅嘢?)食咩呀?食毒品?安眠藥定酒?講清楚啲好喎。(有人暗示你有男性密友?)嗰啲要嚟食嘅咩?我一夫到尾,至今仍然係守身如玉,一剎那嘅歡愉,並唔代表乜嘢!」

鍾意就快D Share啦!