網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年11月14日 星期六

梁家輝落閘 索爆孖女入行無望 :),家輝,梁家輝,張家輝,





其他影片:>>






梁家輝同太太江嘉年結婚28年,一對孖女都已經24歲亭亭玉立喇!孖女有樣有身材,真係索過唔少o靚模!家輝點解唔俾佢哋入行呀?

家輝自細送對孖女去外國,大女Nikkie(梁穎晨)同細女Chloe(梁靜禧)都係鬼妹仔性格,經常喺網上放比堅尼相、攬仔相,吸睛又吸like架!外向嘅兩姊妹一直有意闖娛樂圈,老豆係影帝喎,馬上就有品牌主動搵上門,邀請孖女拍廣告。

對於兩個寶貝女態度咁進擊,家輝開頭都開綠燈,扮民主咁話「順其自然」。好喇,到依家孖女備受網民關注喇,家輝就極速扭軚,話:「無考慮過入行,其實咁多年,我都有同佢哋溝通,一直俾好大自由度佢哋,等佢哋自己揀人生道路,但我都冇聽過佢哋同我講想去拍戲、想去唱歌之類。」

有知情者透露,家輝之所以變臉快過變魔術,原來因為唔想孖女成為追訪對象,所以先會細細個就去佢哋去加拿大讀書,依家只係出騷,已經咁多新聞,身為人父就更加唔鍾意。過去半年,有好多品牌主動搵孖女出騷,家輝兩公婆亦睇得好緊,就好似上次出席Dior個party咁, 兩老直頭講到唔俾孖女著得太性感,慌死又成為焦點。

其實,連我哋「地位超然」嘅689都管唔住佢個女,家輝企到咁硬,真係有用咩?
鍾意就快D Share啦!