掃呢頁CODE去手機

2015年11月3日 星期二

黃秋生批有人國語流 洪永城:似係我喎 秋生,洪永城,黃秋生,



黃秋生網上狠批有人將「辣媽」講咗做「喇嘛」,洪永城(左)就話似係講緊佢!

next 1/1 pre

不過佢就話唔回應喎!

next 1/1 pre

陳展鵬就解釋當日冇講過「辣媽」或「喇嘛」。

next 1/1 pre

秋生仲話就算冇時間學都唔係藉口!

next 1/1 pre

藝人黃秋生昨晚收看《星和無綫電視大獎2015》期間,於Facebook狠批有人「國語唔得」,將「辣媽」講成「喇嘛」,由於冇開名,令當晚國語講得很爛的洪永城及陳展鵬成為嫌疑人物,展鵬今日回應說:「我冇講過『辣媽』、『喇嘛』。」至於洪永城表示:「好似係我喎,但唔回應」

「點可以咁hea?」

秋生接受電話訪問時表示:「我真係唔記得嗰個人乜名,但佢國語真係唔得,叫人『辣媽』講咗做『喇嘛』,我當場呆咗,畀佢嗌嗰兩個都嚇到呆。國語係我哋呢行必需應用嘅語文,唱歌、演戲、返大陸掘金,點可以講到咁hea?好心搵老師學吓!」

「都冇損佢哋紅嘅!」

談到可能開工太忙沒時間學,秋生續說:「咁我下次同導演講,我忙,冇時間記劇本!廚師忙冇時間煮飯、足球員忙冇時間練波,得唔得?呢個係你工作一部份嚟!算啦,即使唱做唸打樣樣唔得,都冇損佢哋紅嘅,你就當我年紀大,多嘮叨,唔使理我㗎!記得寫呢句呀!」

「東網巨星」fb專頁:

每日Keep住推介最「精」最「趣」娛聞,只需數分鐘,即可化身娛樂通,茶餘飯後唔驚冇話題。想加入熱議最hit最爆娛聞行列?呢個專頁真係不Like不可。

http://www.facebook.com/onccstars

鍾意就快D Share啦!